Psalm 14:1 - Edo Bible (E Baibol Ẹdo) Version 1996

¹ Avbe akpa ye ekhọe tae wẹẹ, “Osanobua i rrọ.” Iran hia kẹkẹ ua, iran vbe ru emwi ne ọ mu ohan ọkpa ne ọ ru emwi ẹse i rrọ.

Psalm 14:1 ပူးပေါင်းရင်းမြစ်များ

Gẹnẹsis 6:5

Ugbẹn vbe Nọyaẹnmwa ghi miẹn wẹ emwi dan wa gba emwa hia obọ vbe ehe hia kevbe wẹ, iro dan ọkpa ọre ọ wa rre iran ekhọe vbe ẹghẹ hia,

Job 15:16

Ọmwa nagbọn ghi gha si ọkhọ wọn zẹ vbe amẹ, ẹn, te ọmwa kẹkẹ ua, te ọ wa ku ogboi.

Job 22:13

Sevba, te uwẹ ye nọ wẹẹ, ‘De emwi ne Osanobua rẹnrẹn? Ikpakpaiso degue ẹre nẹ, vbe ọ ghi na sẹtin gha bu ohiẹn ima hẹ?’

Psalm 10:4

Ọmwa dan i vbe zẹ ye Nọyaẹnmwa re vbe uwu itengbe mu ẹnrẹn, ọ rorẹe wẹ, Osanobua imwẹ asa ne ọ khin.

Psalm 107:17

Eso kegha re akpa vbọ, iran ni gha rri oya ba ẹmwẹ orukhọ iran, kevbe ba ẹmwẹ ọkhọ ne iran ru.

Psalm 53:1

Avbe akpa ghi gha ye ekhọe ta ẹe wẹẹ Osanobua i rrọ; te iran hia wa kulo iran keghi vbe ru emwi ne ọ mu ohan okpa ne ọ ru emwi ne ọ gbae i rrọ.

Psalm 73:3

Rhunmwuda, I kegha gbe ọ ma kan uwa ne iran ni tọn egbe mu, vbe I miẹn wẹ emwi wa dinna odẹ ne emwa dan.

Psalm 92:6

Emwi ne akpa i sẹtin rẹn ọ re ọna khin ọzuọ i sẹtin rẹn otọ ẹre,

Itan 1:22

“Wa ne akpa! Inu ẹghẹ wa ho ne uwa ya gha re akpa? Inu ẹghẹ wa ra ghọghọ ye irẹnmwi ne uwa ya gbogiẹ la? Wa i ra ruẹ emwi ẹdẹdẹmwẹdẹ ra?

Itan 1:7

Ọmwa ne ọ ho ne ọ gha wan, ọ ghi ka gha ya ọghọ ne Nọyaẹnmwa nẹ. Avbe ọzuọ i zẹdẹ da ne ẹwaẹn, iran ghi vbe he ne iran ruẹ emwi.

Itan 13:19

U miẹn vbene ọ maa hẹ ne emwi ne ọmwa ho sẹ ọre ohọ! Avbe akpa i ho ne iran zobọ vbe emwi dan ne iran ru.

Itan 27:22

Ọ gha khọn ruẹn, gbe ọzuọ ne ọ kẹ ekherhe ne ọ wu, u i sẹtin gbe ukọnmwẹ ọnrẹn hin ẹre ẹko rre.

Asan-Ibo 7:20

Orhiọnkpa i rre agbọn na ne ọ wa ru emwi ẹse khian ne ẹ i vbe mwẹ abakuru.

Aizaia 1:4

Ọghe uwa fo nẹ, wa ne uhunmwu ẹvbo ni ru orukhọ, wa ne emwa dan ni kẹkẹ ua! Orukhọ uwa silo uwa gbe otọ nẹ, wa fi yeke gbe Nọyaẹnmwa ne Osanobua Izrẹl, wa keghi hee ẹe yotọ.

Jerimaia 5:12

Emwa e Nọyaẹnmwa siẹn ọẹn, iran keghi kha wẹẹ, “Vbe ẹmwata, ẹ i ra ru emwi rhọkpa, ma i ra miẹn emwi ne ọ ba vbe aro, ma i ra miẹn okuo ra ukhunmwu.”

Jerimaia 6:28

Etẹ ni zevbudu ọ re iran khin, iran ye gbain zẹvbe ne oze kevbe ematọn ye. Te iran hia kẹkẹ ua, iran ghi gha va ẹlẹ khian, iran ghi gha na iyẹn ẹrrẹe.

Matiu 12:34

Wa ne ẹyẹn ne emwi dan, vbe ẹmwẹ esi ighi te ra ke uwa unu ladian hẹẹ? rhunmwuda, emwi ne ọ rre ekhọe ọre unu na ta ladian.

Matiu 15:19

Uwu ekhọe ọre iro nọ ya ọmwa ru emwi hia ke rre: izigha, oghẹ, uyinmwẹ ohọhọ hia, oyi, ohoghe, ọtakhọ.

Iyẹn ne ọ Maan Ọghe Luk 12:20

Sokpan Osanobua tama rẹn wẹẹ, ‘Wẹ ne akpa! Asọn na, a gha miẹn ruẹn orhiọn ruẹn. De ọmwa ne ọ ghẹ ghi yan ekhuan ne u khuan ye otọ ne egbe uẹ na.’ ”

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”

I Samuẹl 25:25

Lahọ ghẹ zẹ ye Nabal re ighẹ ẹwobi ọmwa nii. Emwi ne a ya eni ẹnrẹn kha ọre gele wa nọ — akpa! I ma miẹn emwa ne u gie rre adazẹ.