Psalm 139:24 - Edo Bible (E Baibol Ẹdo) Version 1996

²⁴ Gualotọ ẹre miẹn, a deghẹ emwi dan rre uwu imẹ, ne u su mwẹ la odẹ etẹbitẹ.

Psalm 139:24 ပူးပေါင်းရင်းမြစ်များ

Psalm 119:1

Afiangbe ọrọre ọghe iran ne uyinmwẹ ọnrẹn gbae, ni vbe yin zẹ vbene uhi e Nọyaẹnmwa khare.

Psalm 119:32

Mẹ gha ya isasegbe mu uhi ruẹ sẹ, rhunmwuda, u gha rhie irẹnmwi mẹ sayọ.

Psalm 143:10

Wẹ ọrọre Osanobua mwẹ, ma mwẹ ẹre ne I gha ru iho ruẹ. Gha ru mwẹ ẹse, ne u vbe gha dia mwẹ, la odẹ ne ẹbe i ye.

Psalm 143:8

Gha ye mwẹ ẹre rre owiẹ owiẹ ighe ẹmwẹ ahoẹmwọmwa ruẹn ne ẹ i beghe, rhunmwuda, wẹ ọ re imẹ mu ẹtin mwẹ yan. Erhunmwu mwẹ hin odukhunmwu bu ruẹ dee, ma mwẹ odẹ ne I gha la.

Psalm 16:11

Wẹ gha ma mwẹ odẹ ne ọ rriẹ arrọọ, I vuọn ne ọyẹnmwẹ rhunmwuda ighe u rre emwa na, u vbe rhie oghọghọ mẹ ẹdẹdẹmwẹdẹ.

Psalm 17:3

U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.

Psalm 27:11

E Nọyaẹnmwa, ma mwẹ emwi ne u ho ne I ru, ne u vbe rhie mwẹ la odẹ ne ẹbe i ye, rhunmwuda, eghian ne I mwẹ wa bun.

Psalm 5:8

E Nọyaẹnmwa, eghian ne I mwẹ wa bun. Su mwẹ ne I ru iho ruẹ, gie odẹ ruẹ rrie mẹ ne I lele ẹe gha khian.

Itan 15:9

Te odẹ emwa dan sọnnọ e Nọyaẹnmwa sokpan, ẹmwẹ iran ni ru ẹse ghi gha ye ọre.

Itan 28:26

Ukọnmwẹ nọ ne u wa gha ye ẹwaẹn obọ ruẹ okpa ru emwi. Gha ya emwi ne emwa ni wan sẹẹ ma ọmwa re ru emwi ne u gha rrọọ vbe a i mwẹ ẹbe.

Matiu 7:14

Sokpan te onurho arrọọ ye wẹnrẹn, odẹ ne a la sọe ma vbe rriẹ, ibozẹghẹ ọre ọ vbe lae.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Kọlose 2:6

Vbene uwa ghi na rhan obọ miẹn Kristi Jesu nẹ nian zẹ vbe Nọyaẹnmwa, wa ku ẹdẹ agbọn uwa gbe ba ọghọe.