Psalm 139:21 - Edo Bible (E Baibol Ẹdo) Version 1996

²¹ Nọyaẹnmwa, u miẹn vbe ohu iran ne ẹ i ho ẹmwẹ ruẹn mu mwẹ hẹ! U miẹn vbe iran ni sọtẹ ghe ruẹ sọnnọ mwẹ hẹ!

Psalm 139:21 ပူးပေါင်းရင်းမြစ်များ

II Krọnikol 19:2

Akhasẹ ọkpa, e Jehu ne ovbi e Hanani keghi ya vba ọba, ọ tama rẹn wẹẹ, “Wẹ yayi we emwi ne ọ gbae nọ ne a gha yi iran ne emwa dan obọ ra, ra ne a yegbe ba iran ni khuiwu e Nọyaẹnmwa? Emwi ne u ru si ohu e Nọyaẹnmwa yan ruẹn uhunmwu nẹ.

Psalm 119:136

Ameve mwẹ lẹ kua zẹ vbe ẹzẹ, rhunmwuda ne emwa i na ya uhi ruẹ ru emwi.

Psalm 119:158

I gha bẹghe avbe ọgueva nii, ẹko ghi gha hu mwẹ, rhunmwuda, iran i ya iyi ruẹ ru emwi.

Psalm 15:4

Ọmwa ne emwa ne Osanobua kan fua sọnnọ, sokpan, ọ ghi gha ya ọghọ ne iran ni họn ẹmwẹ ne Nọyaẹnmwa. Ọmwa ne ọ ru zẹ vbene ọ yanrẹn vbe ẹghẹ hia, ehe ne ọ rhirhi khọn rẹn ne ọ degbe.

Psalm 26:5

Ohu otu emwa dan mu mwẹ, I ghi vbe ya egbe lẹ ne ọmwa dan.

Psalm 31:6

Wẹ khuiwu iran ni ga ẹbọ ohoghe sokpan mẹ mu ẹtin yan ruẹn.

Jerimaia 13:17

Adeghẹ uwa ma zẹ yọ, I gha ya viẹ vbe ẹkhokho rhunmwuda itengbemu uwa I gha viẹ eve orriara, ameve, mwẹ ghi gha rhọ kua, rhunmwuda, a munọ emwa oghunmwu viọ gha rrie.

Iyẹn ne ọ Maan Ọghe Mak 3:5

Ohu keghi mu Jesu vbe ọ wa ghe iran lẹga sokpan ọ keghi vbe dae ẹsẹse ne iran rhunmwuda iran ba odẹ ku, iran keghi vbe ze vbe ẹkoko udu rhunmwuda ọnii rẹn tama ọmwa ne obọ ọre sikuẹn ni wẹ, “Niẹn obọ ua.” Rẹn keghi nien rẹn, ọ na do gha maa.

Iyẹn ne ọ Maan Ọghe Luk 19:41

Rẹn keghi sikẹ ore ẹvbo, ugbẹn vbe ọ ghi bẹghe ẹre, ọ viẹ ọe wẹẹ,

Arhie Maan 2:2

I rẹn emwi ne u ru nẹ. I rẹn vbene u kakabọ winna hẹ, kevbe vbene u ziengbe emwi sẹ hẹ. I rẹnrẹn wẹ u i rhie otọ ne avbe emwa dan, u vbe danmwẹ iran ghe nẹ, ighẹ iran ni wẹ ukọ iran khin, vberriọ iran i zẹdẹ re ọre, u keghi gualọ otọ iran miẹn wẹ ọhọn ohoghe iran khin.

Arhie Maan 2:6

Emwi ne I ghi vbe ya so eni ruẹn ne ọ maa ọre ọna khin wẹ, vbene emwi ne avbe Nikalaitan ru sọnnọ mwẹ, erriọ ọre ọ vbe sọnnọ uwẹ.