Psalm 139:14 - Edo Bible (E Baibol Ẹdo) Version 1996

¹⁴ I rho ruẹ, rhunmwuda, ọmwa ne ọ kere ne a muohan rẹn ọ re uwẹ khin, emwi ne u ru hia lughaẹn, ọyunnuan nọ. I wa rẹn ọna kekhọekekhọe mwẹ hia.

Psalm 139:14 ပူးပေါင်းရင်းမြစ်များ

Job 5:9

Ma i sẹtin rẹn iwinna nọkhua ne ọ winna, iwinna ọyunnuan ẹnrẹn i vbe mwẹ ufomwẹ.

Psalm 104:24

Nọyaẹnmwa emwi ne u yi wa bun, a miẹn vbene u ya ẹwaẹn ru ehia hẹ! agbọn vuọn ne emwi ne uyi hia!

Psalm 111:2

U miẹn vbe emwi ne Nọyaẹnmwa ru hia, yan ọmwa unu an hẹ! Emwa hia ne avbe emwi na yẹ ghi gha ho ne iran rẹn otọe iran.

Psalm 40:5

U ru emwi nibun ne ima nẹ Nọyaẹnmwa Osanobua mwa; ọmwa ne ọ yevbe uwẹ rrọọ! Emwamwa ọyunnuan nibun ọ re u ru ye otọ khẹ ima. Mẹ ira sẹtin talọ ehia iran mobọ bun ẹsẹsẹmwẹse.

Psalm 92:6

Emwi ne akpa i sẹtin rẹn ọ re ọna khin ọzuọ i sẹtin rẹn otọ ẹre,

Arhie Maan 15:3

Iran kegha so ihuan e Mosis ne ọguọmwadia Osanobua kevbe ihuan ọghe Oteghe Ohuan nii. “Nọyaẹnmwa Osanobua ne Oghodua, ne ọ kpọlọ kevbe ne ọ yan ọmwa unu ọre avbe iwinna obọ ruẹ khin. Ọba avbe agbọn ẹvbo hia, ne ọ gbae kevbe ne ọ re uhunmwu ẹmwẹ ọre odẹ ruẹ hia khin.