Psalm 138:8 - Edo Bible (E Baibol Ẹdo) Version 1996

⁸ U gha ru vbene u yanrẹn hia, e Nọyaẹnmwa, etẹbitẹ ọ re ahoẹmwọmwa ruẹn khin, winna iwinna ne u suẹn nẹ fo.

Psalm 138:8 ပူးပေါင်းရင်းမြစ်များ

Job 10:3

We yayi wẹ ọ kere ne ekhọe ruẹ wa wegbe vberriọ? Ne u zan emwi ne uwẹ tobọ ruẹ yi? Ne u vbe ya obọ ye iro ne emwa dan zẹe?

Job 10:8

“Obọ ruẹ ọ re ọ mwamwa mwẹ, ne ọ vbe ma mwẹ. Banbanna nian, avbe obọ nii ọ re ọ ghi rẹnkhẹn mwẹ uan na.

Job 14:15

Ẹghẹ nii u ghi tie, mẹ ghi vbe khuẹnniẹn. Ẹko ruẹ ghi do rhiẹnrhiẹn ghe imẹ ne emwi ne uwẹ yi.

Psalm 100:3

Wa ghẹ mianmian wẹ Nọyaẹnmwa ọrọre Osanobua rẹn ọ re ọ yi ima ọghọe ọ re ima khin ma ọrọre emwa rẹn ma ọ re oghẹn ohuan rẹn.

Psalm 100:5

Ọmwa ne ọ maa ọ re Nọyaẹnmwa khin, itohan rẹn i mwẹ ọfo, ẹmwata ẹre vbe rrọọ ẹdẹdẹmwẹdẹ.

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 136:1

Wa rhie ekpọnmwẹ ne Nọyaẹnmwa, rhunmwuda, ọ maa, etẹbitẹ ọ re ahoẹmwọmwa rẹn khin.

Psalm 57:2

I kpe tie Osanobua Ne ọ yo sẹẹ Ehia, Osanobua ne ọ viọ emwi hia ne imẹ.

Psalm 57:3

Rẹn gha wanniẹn ke ẹrinmwi rre ọ ghi miẹn mwẹ fan, ọ gha khọn iran ni kpokpo mwẹ muotọ. Osanobua gha rhie aho ẹre ne ẹ i beghe, kevbe aguobọmwa ma mwẹ.

Aizaia 26:12

Nọyaẹnmwa, u gha gie agbọn ma mwa, emwi ne ima ru ne ọ dunna ne ima hia, emwi ne ọ ke uwu emwi ne uwẹ ru mẹ rre nọ.

Aizaia 42:16

“I gha viọ avbe emwa mwẹ ni rhu aro la odẹ ne iran ma he la ẹdẹ. I ghi ya ebiebi iran khian uwanmwẹ I ghi ya ẹvbo ne kpannọkpannọ khian ne kpẹghẹ ne iran. E yan ne I yanrẹn ọ re ena khin. Emwi okpa ne ọ gha wẹ ne I ghẹ mu ẹẹn sẹ i rrọ.

Aizaia 43:21

Avbe emwa ni yii ne egbe mwẹ iran khin iran gha vbe so ihuan urhomwẹ mwẹ.”

Iyẹn ne ọ Maan Ọghe Jọn 15:2

Abọ ne ọma mọ vbọ, ọ ghi fiaẹn mu fua, abọ ne ovbe mọ, ọ ghi kpannọ igẹngẹn ọnrẹn kua ne ọ miẹn ehe na fanmwegbua, nọ miẹn ehe na gha mọ ẹse.

Ebe ne Pọl gbẹẹn gie emwa Rom 5:10

Eghian Osanobua ọre ima te gha khin, sokpan rẹn keghi la ekpa uwu ovbi ẹre ya ima khian ọse ẹre. Vbe ne a ghi na miẹn na ighẹ ọse Osanobua ma ghi khin, u ma rẹn ẹ i mwẹ ọ ma ye arrọọ ọghe Kristi miẹn ima fan.

Filipai 1:6

Rhunmwuda ọnii, aro mwẹ wa da ọna wẹ, Osanobua nọ suẹn iwinna esi na vbe uwu uwa, gha ru ẹe gha khian rhinrin a te do ru ẹe fo, vbe Ẹdẹ Kristi Jesu.

I Tẹsalonaika 5:24

Ọmwa ne ọ tie uwa gha ru ẹe rhunmwuda ọmwa ne ẹ i hiẹ ọmwa nọ.

I Pita 4:19

Rhunmwuda ọnii khekherriọ, iran ni rri oya rhunmwuda wẹ, vbene Osanobua wẹ emwi gha ye iran hẹ nọ, wẹ ne iran la ekpa uyinmwẹ esi iran wa ya egbe iran hia yan Ayi ne ọ yi iran, ọmwa ne ọ re ne ẹ i hiẹ ọmwa.

Ebe ne Jud gbẹẹn 1:1

E Jud ne ọguọmwadia Jesu Kristi kevbe ọtẹn Jems ne okpia, ọre ọ gbẹn ebe na gie emwa hia ne Osanobua tie re, emwa ni rrọọ vbe uwu aho ẹmwẹ ọmwa ọghe Osanobua ne erha kevbe iran ne Jesu Kristi gbe aro ghe.