Psalm 138:4 - Edo Bible (E Baibol Ẹdo) Version 1996

⁴ Te avbe ọba ni rre agbọn na hia ra gha rho ruẹ, Nọyaẹnmwa, rhunmwuda, iran họn ẹmwẹ eyan ruẹn nẹ.

Psalm 138:4 ပူးပေါင်းရင်းမြစ်များ

Psalm 102:15

Avbe uhunmwu ẹvbo gha mu ohan e Nọyaẹnmwa, avbe ọba agbọn hia gha mu ohan ẹtin ẹnrẹn.

Psalm 102:22

Vbe avbe uhunmwu ẹvbo kevbe arriọba a si koko iran ghi ya uhunmwu rhanmwotọ ne Nọyaẹnmwa.

Psalm 22:22

I gha na iyẹn emwi ne u ru mẹ, ma emwa mwẹ. I gha rho ruẹ vbe uwu ẹbu iran:

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Psalm 51:13

Ẹghẹ nii; mẹ gha ma avbe emwa orukhọ uhi ruẹ, iran ghi dọlegbe bu ruẹ gha dee.

Psalm 57:9

I gha kpọnmwẹ ọn vbe uwu agbọn ẹvbo, Nọyaẹnmwa, I gha rho ruẹ vbe uwu ẹbu avbe emwa.

Psalm 71:18

Ugbẹn vbe I ghi khian ọmaẹn nẹ nian vbe I ghi fu edẹ, ghẹ he mwẹ ye otọ Nọyaẹnmwa! Gun mwẹ gha rrọ vbe I a gha na iyẹn, ẹtin kevbe iwegbe ruẹ, ma avbe orre ni gha he rre.

Psalm 72:11

Avbe ọba hia gha vbẹrre vbe odaro ẹre; avbe agbọn ẹvbo hia gha ga ẹe.

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Aizaia 60:16

Avbe uhunmwu ẹvbo kevbe avbe ọba, ọ re ọ ra gha gbe aro ghe ruẹ. Zẹ vbene iyọmọ koko ovbi ẹre. Wẹ gha rẹn wẹ mẹ ne Nọyaẹnmwa ọ re ọ miẹn ruẹn fan, wẹ Osanobua ne ọ mwẹ ẹtin ọghe Izrẹl ọ re ọ fan an fua.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 21:24

Uwanmwẹ ọnrẹn ọre emwa ni rre agbọn gha ya bẹghe odẹ, ne iran la khian, avbe ọba agbọn ghi kun ẹfe iran gha die uwu ẹre.