Psalm 138:3 - Edo Bible (E Baibol Ẹdo) Version 1996

³ U zẹ ẹmwẹ wanniẹn mwẹ vbe I kpe tie ruẹ, u keghi ya ẹtin ruẹn, rhie ẹtin yọmwẹ iwu.

Psalm 138:3 ပူးပေါင်းရင်းမြစ်များ

Psalm 18:6

vbe uwu ibaro mwẹ, I da tie Nọyaẹnmwa, I da tie Nọyaẹnmwa ne ọ do yọmwẹ obọ. Ọ họn urhu mwẹ vbe uwu Ọgua Osa ẹre. Ọ họn ẹn vbe I da tie ẹre ne ọ do yọmwẹ obọ.

Psalm 27:14

Mu ẹtin yan e Nọyaẹnmwa, gha mwẹ iyayi ghẹ gie ẹtin fo uẹ mu ẹtin yan e Nọyaẹnmwa.

Psalm 28:7

E Nọyaẹnmwa degue mwẹ, ọ vbe gbinna mẹ I mu ẹtin yan rẹn. Ọ yọmwẹ obọ, ọ keghi ya ọyẹnmwẹ sẹ mwẹ, I gha so ihuan oghọghọ rho ẹre.

Psalm 29:11

E Nọyaẹnmwa ọ re ọ rhie ẹtin ne emwa rẹn, ọ keghi ya ọfumwegbe fiangbe iran.

Psalm 34:7

Avbe odibosa ẹre ọ re ọ gbearoghe iran ni ya ọghọ ne Nọyaẹnmwa, ọ ghi vbe miẹn iran fan vbe ẹbe.

Psalm 63:8

I sikan mu uwẹ obọ ruẹ keghi rhie mwẹ lẹre vbe a i mwẹ ẹbe.

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 65:24

Iran te na erhunmwu fo, erhunmwu iran mẹ họn nẹ.

Eve Orriara 3:57

U zẹmwẹ wanniẹn mwẹ, u keghi tama mwẹ wẹ, ne I ghẹ gie ohan mu mwẹ.

Daniẹl 10:18

Ọ keghi vbe dọlegbe ya obọ kanmwẹ, orhiọn keghi la mwẹ iwu.

Daniẹl 10:19

Rẹn keghi tama mwẹ wẹẹ, “Osanobua ho ẹmwẹ ruẹn rhunmwuda ọnii, ghẹ gie emwi rhọkpa fian an afianma ra ne ọ muẹn orhiọn rueghe.” Ọ ghi ta ẹmwẹ na nẹ, orhiọn keghi dọlegbe la mwẹ iwu, I keghi kha wẹẹ. “Enọwanrẹn, ta ẹmwẹ ne u mwẹ ne u gha tama mwẹ ma mwẹ. U rhie orhiọn yọmwẹ iwu nẹ.”

Zẹkaraia 10:12

I gha ru ẹe ne emwa mwẹ wegbe, iran gha ga mwẹ, iran gha họn ẹmwẹ mẹ.” E Nọyaẹnmwa guan nẹ.

Ẹfisọs 3:16

I ghi rinmwian Osanobua wẹ, vbe ekpa ukpọlọmwẹ uyi ẹre, ne ọ la ekpa Orhiọn ẹnrẹn rhie ẹtin ne uwa ne uwa ya wo vbe egbe vbe uwu egbe uwa.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Kọlose 1:11

Te ẹtin ẹnrẹn hia, ne ọ ke uwu ẹtin uyi ẹre rre, gha ye uwa khian ne ọ wo vbe egbe, ne uwa miẹn ehe na sẹtin ye i ziengbe ye egbe miẹn emwi hia.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

I Samuẹl 30:6

Uwu ọlọghọmwa nọkhua ọre Devid ghi ye rhunmwuda ẹko ma maa rẹn hiehie rhunmwuda ivbi iran ne iran ma ghi miẹn, iran na gha yan ighẹ iran ra filo okuta gbe ẹe rua, sokpan, e Nọyaẹnmwa ne Osanobua ẹre keghi rhie igiẹudu ne ẹẹn.