Psalm 137:3 - Edo Bible (E Baibol Ẹdo) Version 1996

³ Iran ni viọ ima keghi wẹ ne ima so ihuan ma iran; iran wẹ ne ima ku ne iran ghe wẹẹ: “Wa so ihuan e Zaiọn ọkpa ma ima!”

Psalm 137:3 ပူးပေါင်းရင်းမြစ်များ

I Krọnikol 15:27

Etovbiohuẹ ne sẹguẹn ọre a ya do ẹwu ne Devid yọe, erriọ vbe nọ ne iran ni kpe ema, Kienanaia ne ọkaolotu iran kevbe avbe Livai ni mu nene Ẹkpẹti. E Devid keghi rhuan adaghọ.

I Krọnikol 16:7

Ẹghẹ nii ọ re Devid na mu ẹmwẹ ihuan ne a so ya rho e Nọyaẹnmwa ye Asaf kevbe avbe Livai ne ihuare obọ.

Nehimaia 4:2

Ọ kegha tae vbe odaro ihua ẹre kevbe ivbiyokuo e Sameria wẹẹ, “De emwi ne avbe Ju ne ẹwobi emwa wẹ iran ru na yi. Te iran ya dọlegbe bọ ẹvbo nii ra? Te iran ro ighẹ iran gha sẹtin la ekpa ese ne a zọ winna iwinna nii fo ẹdẹ ọkpa ra? Iran gha sẹtin ya iku ne ọ giẹn uan ru okuta ne a ya bọ owa ra?”

Psalm 65:1

Osanobua, ọ kere ne ima gha rho ruẹ vbe Zaiọn ne ima gha mu eyan ne ima yan ma ruẹn sẹ.

Psalm 79:1

Osanobua. avbe nigẹbọ mu okuo la otọe ruẹ, iran mu awua la Ọgua Osa ruẹ nọhuanrẹn iran keghi rẹnkhẹn Jerusalẹm sẹ otọ.

Psalm 80:6

U vbe gie avbe uhunmwu ẹvbo ni lẹga mwa gha khọn sinmwi otọe mwa, avbe eghian mwa rhovbiẹ mwa.

Psalm 9:14

ne imẹ miẹn ehe na mudia vbe odaro ivbi e Jerusalẹm. Ne I tama iran, emwi ne I rho ruẹ ba. I gha ghọghọ rhunmwuda, wẹ miẹn mwẹ fan nẹ.

Itan 25:20

A gha so ihuan ne ọmwa ne iro han rẹn, te ọ yevbe ne a ban ọmwa ukpọn rhie fua vbe ẹdẹ ne oni fi, ra ne a zẹ umwẹ wo ọmwa ẹtẹ.

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 51:11

Iran ne uwẹ miẹnfan nẹ, gha ya oghọghọ sẹ Jerusalẹm, iran ghigha so ihuan, iran ghi gha wee ne oghọghọ. Iran gha ghọghọ ẹdẹdẹmwẹdẹ iran fe vbe obọ akhiẹ kevbe orriara ẹdẹdẹmwẹdẹ.

Jerimaia 26:18

“Ẹghẹ ne Hẹzekaia na gha re ọba e Juda, e Maika ne akhasẹ ne ovbi ẹvbo ne a tie ẹre Morẹsiẹt keghi tama emwa hia wẹ Nọyaẹnmwa ne Oghodua khare wẹẹ, “ ‘A gha gua vbe e Zaiọn zẹ vbe ugbo E Jerusalẹm gha khian ne itowa na degbe itowa oke ni ne Ọgua Osa ye gha khian ẹgbo.’

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Iyẹn ne ọ Maan Ọghe Luk 21:6

“Wa ma miẹn emwi ne uwa ghe na hia, ẹdẹ dee ne a i ra sẹ okuta ọkpa ra e ye ehe ne ọ ye, a ghi dunmwu ehia sotọ.”