Psalm 136:26 - Edo Bible (E Baibol Ẹdo) Version 1996

²⁶ Wa rhie ekpọnmwẹ ne Osanobua ẹrinmwi, etẹbitẹ ọ re ahoẹmwọmwa rẹn khin.

Psalm 136:26 ပူးပေါင်းရင်းမြစ်များ

Nehimaia 1:4

Ugbẹn vbe I ghi họn ẹmwẹ na, I na de tota, I na gha viẹ egbe mwẹ. I ma rri evbare vbe ikpẹdẹ ni bun, I kegha khiẹ, I na gha na erhunmwu ghe Osanobua,

Nehimaia 2:4

Ọgbaisi keghi nọ wẹẹ, “De emwi ne u ghi ho nian?” I keghi na erhunmwu ghe Osanobua Ẹrinmwi, iyeke ọnii,

Psalm 115:3

Osanobua mwa rre ẹrinmwi, ọ vbe ru emwi ne ọ rhirhi khọn rẹn.

Psalm 123:1

Nọyaẹnmwa, wẹ ọ re imẹ ye aro kọ mẹ rhie aro ye odẹ da ẹrinmwi ne u na khaemwisẹ.

Daniẹl 2:18

Ọ na tama iran wẹ ne iran na erhunmwu ghe ọba ẹrinmwi ne ọ tohan iran, ne ọ vbe rhan otọ oro nii ma iran, ne a ghẹ miẹn ehe na gbele iran an ba avbe iguọbaziro nekpa vbe Babilọn.

Jona 1:9

E Jona keghi wanniẹn tama iran wẹẹ, “Ovbi e Hibru mẹ khin. E Nọyaẹnmwa, Osanobua ne ọ yi otọe kevbe okun, ọre imẹ ga.”

Arhie Maan 11:13

Vbe ẹghẹ ọkpa nii zẹẹ, igbohiotọ ọhanabe ọkpa keghi sunu, obọ ọkpa vbe a wa ẹvbo nii ye ihe igbe keghi wa rẹnkhẹn uan, emwa ni wu ye nene igbohiotọ na, kegha re arriaisẹn ihinrọn (7,000.) Ohan keghi kakabọ mu emwa ni dekẹe, iran keghi tian ukpọlọmwẹ Osanobua ọghe ẹrinmwi.