Psalm 136:23 - Edo Bible (E Baibol Ẹdo) Version 1996

²³ Ọ ma mianmian mwa vbe a khọn miẹn ima otọ, etẹbitẹ ọ re ahoẹmwọmwa rẹn khin.

Psalm 136:23 ပူးပေါင်းရင်းမြစ်များ

Gẹnẹsis 8:1

Sokpan, Osanobua keghi ye Noa rre, kẹe kevbe avbe aranmwẹ oha kevbe emwirri ni guẹe rre uwe okọ, ọ gie ẹhoho ne ọ hoho ye agbọn, amẹ nii keghi gha rriotọ.

Psalm 102:17

Ọ gha họn ọghe emwa rẹn ne ọ sẹrae, ọ gha danmwehọ erhunmwu iran.

Psalm 113:7

Ọ tọn ovbiogue mu ke ebubẹ ladian, ọ tọn iran ne ẹ i mwẹ mu hin usẹ iran rre,

Psalm 116:6

Osanobua ru iyobọ ne ne ẹ i mwẹ, ẹghẹ ne I na gha rre uwu ẹbe, ọ miẹn mwẹ fan.

Psalm 142:6

Rhie ehọ ye eve ne I viẹ ya nọ iyobọ, isonrhiọn i ghi rrọ mwẹ re hiehiere. Miẹn mwẹ fan hin obọ avbe eghian mwẹ rre, iran wegbe sẹ mwẹ gbe.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Iyẹn ne ọ Maan Ọghe Luk 1:48

rhunmwuda, ọ ye imẹ rre, mẹ ne ọguọmwadia ẹre ne ẹ mwẹ esa! Ke ẹghẹ na gha khian nian, agbọn hia gha tie mwẹ ene afiangbe.

Iyẹn ne ọ Maan Ọghe Luk 1:52

Ọ silo iran ne ọba nekhua hin ẹkete iran rre. Ọ keghi tọn avbe emwa ne ẹ i mwẹ esa mu.

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.