Psalm 136:16 - Edo Bible (E Baibol Ẹdo) Version 1996

¹⁶ Ọ su emwa rẹn la ato gberra, etẹbitẹ ọ re ahoẹmwọmwa rẹn khin.

Psalm 136:16 ပူးပေါင်းရင်းမြစ်များ

Nehimaia 9:12

U ya okuku su iran vbe ẹghẹ avan, u keghi ya erhẹn rhukpa ne iran vbe ẹghẹ asọn.

Nehimaia 9:19

Sokpan, wẹ ma sẹ iran rae ye ato vbe evba rhunmwuda, itohan ruẹn kpọlọ u ma rhie okuku nii ra erhẹn nii hinrre, ne ọ gha ma iran odẹ vbe avan kevbe asọn.

Psalm 77:20

U su emwa ruẹn gha khian zẹvbe ọsuohuan u keghi mu iwinna iran yan Mosis kevbe Errọn obọ.

Ẹksọdọs 13:18

Ye ihe ọnii, ọ ke rhie iran la odẹ ikhinkhian la odẹ ato ne ọ rre odẹ Okun Nọbaa. Ivbi Izrẹl keghi wa gbalọ egbe okuo ọhanabe.

Ẹksọdọs 15:22

E Mosis keghi wẹ ne emwa nii mu egbe, ne iran kpao vbe Okun Nọbaa. Iran keghi la uwu ato ne a tie ẹre Siọ. Iran keghi ya ẹdẹ eha khian vbe uwu ato, sokpan iran ma miẹn amẹ.

Aizaia 49:10

Ohanmwẹ ra ovbamẹ i ra gbe iran ẹdẹ. Ovẹn ra owowo ato i ra kuan iran rhunmwuda, ọmwa ne ọ ho ẹmwẹ iran ọ re ọ viọ iran khian ọ gha viọ iran gha rrie uhunmwu ẹzẹ amẹ.

Diuteronomi 11:5

Wa rẹn emwi ne Nọyaẹnmwa ru ne uwa vbe uwu ato, wa te do sẹ emwa na.

Diuteronomi 8:15

Rẹn ọ re ọ su uwa la ato nọkhua ne ọ mu ohan nii, ehe ne avbe ẹyẹn ni mwẹ obi dan ye deba ekpakpahuangan, vbe otọe ne ọ kakae ne hiohioohio nii, ọ keghi tue amẹ ke uwu okuta ladian ne uwa.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.