Psalm 136:1 - Edo Bible (E Baibol Ẹdo) Version 1996

¹ Wa rhie ekpọnmwẹ ne Nọyaẹnmwa, rhunmwuda, ọ maa, etẹbitẹ ọ re ahoẹmwọmwa rẹn khin.

Psalm 136:1 ပူးပေါင်းရင်းမြစ်များ

I Krọnikol 16:34

Wa rhie ekpọnmwẹ ne Nọyaẹnmwa, rhunmwuda ọ maa; etẹbitẹ ọ re aho ẹmwẹ ọmwa rẹn khin.

I Krọnikol 16:41

E Heman kevbe Jedutun keghi wa gu iran gha rre evba, deba emwa ọvbehe ne a wa hannọ ne iran gha so ihuan ne Nọyaẹnmwa rhunmwuda aho ẹmwẹ ọmwa ẹnrẹn ọghe etẹbitẹ.

II Krọnikol 20:21

Ọ ghi gu avbe emwa nii zẹ iro nẹ, ọba keghi khama avbe ikpemaba wẹ ne iran viọ ẹwu ne iran ya do ugie yọ, ne iran khian ke odaro ne avbe ivbiyokuo, ne iran gha so ihuan na wẹẹ, “Wa rho e Nọyaẹnmwa. Etẹbitẹ ọre Itohan rẹn khin.”

II Krọnikol 7:3

Ugbẹn vbe ivbi Izrẹl ghi miẹn erhẹn ne ọ ke ẹrinmwi rre kevbe awanwan ne ọ vuọn Ọgua Osa, iran keghi dele viọ aro rhu otọ vbe ibare, iran ga Osanobua, iran keghi rho ẹre ye umamwẹ ọnrẹn kevbe aho ẹmwẹ ọmwa etẹbitẹ ne ọ mwẹ.

II Krọnikol 7:6

Avbe ohẹn keghi mudia ye ehe ne a mwamwa ye otọ khẹ iran, avbe Livai keghi mudia viọ aro da iran, iran kegha ye emwi iku kevbe ihuan ne Devid viọ ye otọ gha rho e Nọyaẹnmwa, Iran kevbe gha so ihuan na, “Itohan rẹn i mwẹ ọfo!” zẹ vbe ne Devid ma iran re. Avbe ohẹn kegha kpe okpe vbene emwa nekpa hia na mudia.

Ẹzra 3:11

Iran keghi sihuan ghe Nọyaẹnmwa iran na gha rra ẹre wẹẹ, “E Nọyaẹnmwa maa, etẹbitẹ ọre aho ẹmwẹ ọmwa rẹn khin ghe Izrẹl.” Emwa hia keghi wa ya ẹtin hia gha wee, iran na gha rho e Nọyaẹnmwa rhunmwuda, a suẹn iwinna ẹyotọ Ọgua Osa ne a gbe nẹ.

Psalm 100:5

Ọmwa ne ọ maa ọ re Nọyaẹnmwa khin, itohan rẹn i mwẹ ọfo, ẹmwata ẹre vbe rrọọ ẹdẹdẹmwẹdẹ.

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 105:1

Wa rhie ekpọnmwẹ ne Nọyaẹnmwa, wa ta ẹmwẹ ukpọlọmwẹ ọnrẹn ladian, wa ta iwinna ne ọ winnaẹn, ma avbe uhunmwu ẹvbo.

Psalm 106:1

Wa rho e Nọyaẹnmwa! Wa rhie ekpọnmwẹ ne Nọyaẹnmwa, rhunmwuda ọ maa, etẹbitẹ ọre aho ẹmwẹ ọmwa rẹn khin.

Psalm 107:1

Wa rhie ekpọnmwẹ ne Nọyaẹnmwa, rhunmwuda ighe ọ maa, etẹbitẹ ọre aho ẹmwẹ ọmwa rẹn khin.

Psalm 118:1

Wa rhie ekpọnmwẹ ne Nọyaẹnmwa, rhunmwuda, ọ maa, etẹbitẹ ọ re ahoẹmwọmwa rẹn vbe khin.

Psalm 119:68

A miẹn vbene u maa hẹ! A miẹn vbene u mwẹ itohan hẹ, ma mwẹ iyi ruẹ.

Jerimaia 33:11

Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”

Iyẹn ne ọ Maan Ọghe Luk 1:50

Ọ tohan iran hia ni mu ohan rẹn. Ke orre ya sẹ orre.

Ebe ne Jud gbẹẹn 1:21

Wa ghi vbe mudia vbe uwu aho ẹmwẹ ọmwa Osanobua, zẹ vbene uwa mudia khẹ Nọyaẹnmwa Jesu Kristi ne ọ gha la ekpa itohan rẹn rhie ẹfe ne ẹ i fo ne uwa.