Psalm 135:7 - Edo Bible (E Baibol Ẹdo) Version 1996

⁷ Ọ mu okpẹhoho okuku amẹ ke ehe ne agbọn sẹe gha dee, ọ ru ayan ne okpẹhoho, ọ kevbe kie okpẹhoho ke uwu aza ẹre ladian.

Psalm 135:7 ပူးပေါင်းရင်းမြစ်များ

I Ọba 18:1

Ọ ghi kpee fua kherhe, vbe ọ ghi rre ukpo eha ne amẹ ma ghi rhọ, e Nọyaẹnmwa keghi tama Elaija wẹẹ, “Ya ye egbe ne Ehab ne ọba miẹn, I gha gie amẹ rhọ.”

Job 5:10

Ọ ghi rhọ amẹ ye otọe nii. Ọ ghi gbe amẹ khakha uwu oha.

Psalm 107:25

Ọ guan rẹn, okpẹhoho keghi suẹn gha hoho, ọ keghi gua ubimwẹ amẹ ghe ukhunmwu.

Psalm 148:8

Ayan kevbe amẹ ne ọzeze, esia kevbe okuku amẹ, avbe okpẹhoho ni ru vbene ọ khare.

Psalm 78:26

Ọ keghi vbe ru ẹe ne ẹhoho odẹ ahọ hoho ọ keghi ya ẹtin ẹnrẹn gua ẹhoho odẹ ekẹn kpao.

Jerimaia 10:13

Amẹ ne ọ rre odukhunmwu iso ghi davan vbe irẹn a wẹ ne ọ ru vberriọ, ọ ghi ke ehe ne agbọn sẹe viọ okuku rre. Ọ ru ẹe ne ayan gha yan vbe amẹ rhọ ọ ghi giee ẹhoho ladian ke ehe ne ọ viọ ẹre lẹre yi gha dee.

Jerimaia 14:22

Ọkpa ne ọ sẹtin si amẹ i rre avbe amazẹ avbe uhunmwu ẹvbo, iso i sẹtin ye ẹtin obọ ẹre wẹ ne amẹ rhọ. Wẹ ọre ima mu ẹtin idaehọ mwa yan, e Nọyaẹnmwa Osanobua mwa rhunmwuda, wẹ ọrọre ọmwa ne ọ ru avbe emwi na hia.

Jerimaia 51:16

Ọ gu amẹ ne ọ rre odukhunmwu iso guan, ọ kegha davan. Ọ si amẹ koko ke ehe ne agbọn sẹẹ gha dee ọ ye ayan yan ke uwu amẹ ne ọ rhọ, ọ keghi gie okpẹhoho ke uwa aza ọghọe ladian.

Jona 1:4

Sokpan, e Nọyaẹnmwa keghi gie okpẹhoho la okun, ẹhoho nii wegbe sẹrriọ wẹ te okọ ghi ra yannọ kua.

Zẹkaraia 10:1

Wa nọ e Nọyaẹnmwa amẹ ne ọ rhọ vbe omuhẹn orhọ. E Nọyaẹnmwa ọ re ọ gie amẹ bi ne ọ na vbe rhọ ne ugbo na maa ne emwa hia.

Iyẹn ne ọ Maan Ọghe Jọn 3:8

Ẹhoho hoho ghe ehe ne ọ rhirhi khọn rẹn, wẹ họn ogbigbi ẹre, sokpan u ma rẹn ehe ne ọ ke dee ra ehe ne ọ rrrie. Erriọ zẹẹ ọre ọ ye ne ọmwaikọmwa ne a biẹe vbe kpa ọghe Orhiọn.”