Psalm 135:6 - Edo Bible (E Baibol Ẹdo) Version 1996

⁶ Emwi ne ọ khọn rẹn ọre ọ ru, vbe ẹrinmwi kevbe agbọn, vbe uwu okun kevbe avbe odin ni rre ototọ ẹre.

Psalm 135:6 ပူးပေါင်းရင်းမြစ်များ

Job 42:2

“Nọyaẹnmwa mẹ rẹnrẹn wẹ u mwẹ ẹtin hia, u vbe sẹtin ru emwikemwi ne u ho.

Psalm 115:3

Osanobua mwa rre ẹrinmwi, ọ vbe ru emwi ne ọ rhirhi khọn rẹn.

Psalm 33:11

Sokpan, emwamwa irẹn rrọ ẹdẹdẹmwẹdẹ, iziro ọghọe rrọ etẹbitẹghori.

Psalm 33:9

Rẹn guanrẹn, a keghi yii agbọn, vbe ẹmwẹ unu ẹnrẹn, emwi hia keghi ye egbe ladian.

Aizaia 46:10

Vbe omuhẹn, ọ re I na taa emwi ne ọ gha kiekie ẹre, vbe ẹghẹ ne ọ kpẹe fua, I taa emwi ne ọ gha sunu yotọ nẹ. I khare wẹ, emwi ne I mwamwaẹn ne I ru, te ọ gba te I ru emwi hia ni rrọ mwẹ ekhọe ne I ru.

Daniẹl 4:32

A gha khu uẹ hin ẹbu emwa nagbọn rre, ya gha deba avbe aranmwẹ oha khian, gha rri irunmwu zẹ vbe ẹmila vbe ukpo ihinrọn. Ẹghẹ nii u gha miẹn kue ighe Osanobua ne ọ Sẹehia mwẹ ẹtin vbe uhunmwu avbe arriọba otọ agbọn, kevbe wẹ ọ sẹtin munọ iran ne ọmwaikọmwa ne ọ khọn rẹn.”

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.

Emọs 9:6

Ẹrinmwi ọre Nọyaẹnmwa bọ owa ẹre yi. Ọ keghi fi iso, zẹ vbe ekharha yan otọ agbọn. Ọ datie amẹ ni rre Okun. Ọ keghi hihiẹ ọe ku otọ agbọn e Nọyaẹnmwa ọrọre eni ẹnrẹn.

Matiu 14:25

Ọ ghi rre omwa ẹkpo ẹgogo eha ya sẹ ẹgogo enẹ vbe owiẹ, Jesu keghi nana uhunmwu amẹ bu iran gha dee.

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.