Psalm 135:3 - Edo Bible (E Baibol Ẹdo) Version 1996

³ Rho e Nọyaẹnmwa, rhunmwuda rẹn maa, wa so ihuan urhomwẹ ghe eni ẹnrẹn, rhunmwuda, ọ mwẹ itohan.

Psalm 135:3 ပူးပေါင်းရင်းမြစ်များ

Psalm 100:5

Ọmwa ne ọ maa ọ re Nọyaẹnmwa khin, itohan rẹn i mwẹ ọfo, ẹmwata ẹre vbe rrọọ ẹdẹdẹmwẹdẹ.

Psalm 106:1

Wa rho e Nọyaẹnmwa! Wa rhie ekpọnmwẹ ne Nọyaẹnmwa, rhunmwuda ọ maa, etẹbitẹ ọre aho ẹmwẹ ọmwa rẹn khin.

Psalm 107:1

Wa rhie ekpọnmwẹ ne Nọyaẹnmwa, rhunmwuda ighe ọ maa, etẹbitẹ ọre aho ẹmwẹ ọmwa rẹn khin.

Psalm 118:1

Wa rhie ekpọnmwẹ ne Nọyaẹnmwa, rhunmwuda, ọ maa, etẹbitẹ ọ re ahoẹmwọmwa rẹn vbe khin.

Psalm 119:68

A miẹn vbene u maa hẹ! A miẹn vbene u mwẹ itohan hẹ, ma mwẹ iyi ruẹ.

Psalm 136:1

Wa rhie ekpọnmwẹ ne Nọyaẹnmwa, rhunmwuda, ọ maa, etẹbitẹ ọ re ahoẹmwọmwa rẹn khin.

Psalm 147:1

Wa rho e Nọyaẹnmwa! Ọ kere ne a gha so ihuan urhomwẹ ghe Osanobua mwa; ọ rhiẹnrhiẹn, ọ vbe kei ne a rho ẹre.

Psalm 33:1

Wa hia ni re ẹmwata, wa gha we ne oghọghọ ye iwinna ne Nọyaẹnmwa winna ẹn. Wa rho ẹre, wa hia ni họn ẹmwẹ ne ẹẹn.

Psalm 63:5

Orhiọn mwẹ gha rri evbare ẹko ghi vbe vuọẹn I gha so ihuan urhomwẹ oghọghọ ghe ruẹ.

Matiu 19:17

Jesu wanniẹn tama rẹn wẹẹ, “Vbọzẹ ne u na gualọ otọ emwi ne ọ maa vbe obọ mwẹ yi? Ọmwa Ne ọ maa ọkpa kẹkan ọre ọ rrọọ. Deghẹ u hoo ne ẹfe ne ẹ i fo sẹ uẹ obọ, gha mu uhi sẹ.”