Psalm 135:21 - Edo Bible (E Baibol Ẹdo) Version 1996

²¹ Wa rho e Nọyaẹnmwa vbe Zaiọn, vbe Jerusalẹm ne owa ẹre. Wa rho e Nọyaẹnmwa!

Psalm 135:21 ပူးပေါင်းရင်းမြစ်များ

I Krọnikol 23:25

E Devid keghi kha wẹẹ, “E Nọyaẹnmwa ne Osanobua Izrẹl rhie ọfumwegbe ne emwa rẹn nẹ, rẹn tobọ ẹre gha vbe gha rre Jerusalẹm rhinrin ẹdẹ.

II Krọnikol 6:6

Sokpan banbanna nian, I zẹ e Jerusalẹm zẹ vbe ehe ne a gha na gha ga mwẹ kevbe uwẹ ne Devid ne u gha khaemwisẹ yan emwa mwẹ!’ ”

Ẹzra 7:16

U ghi vbe viọ esiliva kevbe igoru hia ne u koko vbe otọ arriọba e Babilọn hia, deba emwi imu ohan ne ivbi Izrẹl kevbe avbe ohẹn viọ rre rhunmwuda iwinna Ọgua Osa ọghe Osanobua iran vbe Jerusalẹm.

Psalm 128:5

Te Nọyaẹnmwa gha fiangbe uẹ ke Zaiọn rre, te u gha miẹn umamwẹ Jerusalẹm vbe ẹdẹ agbọn ruẹn hia.

Psalm 134:3

Te Nọyaẹnmwa ne ọ yi ẹrinmwi kevbe agbọn, gha fiangbe uẹ ke Zaiọn rre.

Psalm 48:1

E Nọyaẹnmwa kpọlọ ne avbe kakabọ rho ọre nọ vbe ẹvbo Osanobua mwa; vbe uhunmwu oke ne ọ huanrẹn ọghọe.

Psalm 48:2

E Zaiọn ne oke Osanobua oke ne ọ yo kevbe ne ọ mose nọ ẹvbo ọba nọkhua, ne ọ sẹ otọ agbọn hia ọyẹnmwẹ.

Psalm 48:3

Osanobua rhiema nẹ wẹ rẹn sẹe ne a lẹ gbinna vbe uwu ehe ne a gbe odin lẹga ọghe ẹvbo nọkhua nii.

Psalm 48:9

Vbe uwu Ọgua Osa Nọyaẹnmwa ma mu ẹmwẹ ahoẹmwọmwa ruẹn ne ẹi beghe ro.

Psalm 76:2

Ọ mwẹ owa ẹre vbe Jerusalẹm Oke Zaiọn ọrọre ehe ne ọ dia.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Nọmbas 23:21

I miẹn ọẹn nẹ wẹ ẹbe ra ọkhọ ẹ i rre ivbi Izrẹl ẹdẹ na khuẹ, e Nọyaẹnmwa ne Osanobua iran rrọ ne iran.