Psalm 132:9 - Edo Bible (E Baibol Ẹdo) Version 1996

⁹ Te avbe ohẹn ruẹn ghaa ru vbene ọ ke yi vbe ẹghẹ hia, te avbe emwa ruẹn gha a wee ne oghọghọ.

Psalm 132:9 ပူးပေါင်းရင်းမြစ်များ

II Krọnikol 6:41

Guakpao nian e Nọyaẹnmwa Osanobua, uwẹ kevbe Ẹkpẹti Ile ne ima ya rẹn ẹtin ruẹn, la uwu Ọgua Osa ne u gha rre evba ni rhinrin ẹdẹ. Fiangbe avbe ohẹn ruẹn vbe emwi ne iran ru hia, ne ọyẹnmwẹ gha sẹ emwa ruẹn hia rhunmwuda ne u na maa ne iran.

Job 29:14

Uhẹn uhẹn ọ re I hẹko gha ru emwi re.

Psalm 104:1

Rhie urhomwẹ ne Nọyaẹnmwa wẹ ekhọe mwẹ, e Nọyaẹnmwa Osanobua mwẹ, a miẹn vbene uwẹ kpọlọ hẹ! Orrirri ọba kevbe uyi ọre a rhuan uwẹ re zẹvbe ukpọn.

Psalm 132:16

I gha fiangbe emwi ne avbe ohẹn ni rrọ ru hia, avbe emwa rẹn ghi gha wee, iran ghi gha so ihuan oghọghọ.

Psalm 149:5

Wa gie emwa Osanobua gha ghọghọ ye akhọnmiotọ iran, ne iran vbe so ihuan ne ọ rhiẹnrhiẹn ne ẹdẹgbe.

Psalm 47:1

Wa hia ya oghọghọ kpe obọ wa ne emwa hia, wa kakabọ so ihuan ya rho e Nọyaẹnmwa.

Psalm 68:3

Sokpan, avbe ẹmwata ghọghọ iran keghi vbe sẹ ọyẹnmwẹ vbe odaro ẹre ẹko rhiẹnrhiẹn iran, iran keghi vbe we uwemwẹ oghọghọ.

Psalm 70:4

Gie ẹko gha sẹ iran ni bu ruẹ rre ọyẹnmwẹ ne iran vbe gha ghọghọ. Te iran ni kpọnmwẹ ye imienfan ruẹn gha kha vbe ẹghẹ hia wẹẹ, “U miẹn vbe Osanobua kpọlọ hẹ!”

Psalm 93:1

E Nọyaẹnmwa ọrọre ọba, a ya uyi ne ọ rre egbe ọba kevbe ẹtin yọ re ẹwu. A mu agbọn uhe sẹ otọ nẹ gbangbaangban ai ghi vbe sẹtin fi ẹe werriẹ.

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Aizaia 65:14

“Iran gha so ihuan oghọghọ, sokpan wa gha viẹ eve orriara.

Zẹfanaia 3:14

Wa so ihuan, wa we ne oghọghọ, wa ne ivbi Izrẹl! Ye ekhọe ruẹ hia gha ghọghọ, e Jerusalẹm!

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Ebe ne Pọl gbẹẹn gie emwa Rom 13:14

Sokpan wa viọ emwi igbinna ọghe Nọyaẹnmwa Jesu Kristi mwẹ obọ, wa ghẹ gie ẹmwẹ egbe orukhọ uwa mu uwa, vbe ekpa ne uwa na rhie emwi ne ọ ho nẹẹn ne ẹko vuọẹn.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”

Arhie Maan 19:8

A fan obọ ẹre nẹẹn nẹ, ne ọ ya ukpọn eto ovbiohuẹ ne ọ huanrẹn kevbe ne ọ fi wainwain haan.” (Ukpọn eto ovbiohuẹ ọrọre uyinmwẹ ẹmwata ọghe emwa Osanobua.)

Giọgis 5:31

“Erriọ e Nọyaẹnmwa, te eghian ruẹn hia gha wulo, sokpan ne avbe ọse ruẹ gha wan uwanmwẹ vbe owẹn owiẹ!” Ẹre ọfumwegbe na vbe do gha rrọọ la ukpo iyeva.