Psalm 132:15 - Edo Bible (E Baibol Ẹdo) Version 1996

¹⁵ I gha viọ emwi ne Zaiọn ho hia ne ẹẹn wọrhọwọrhọ, I gha ya evbare vuọn avbe ivbiogue ni rrọọ ẹko.

Psalm 132:15 ပူးပေါင်းရင်းမြစ်များ

Psalm 107:9

Ọ sa amẹ ne iran ne ohanmwẹ amẹ gbe wọn ọ keghi ya emwi ne ọ maa vuọn iran ne ohanmwẹ gbe ẹko.

Psalm 147:14

Ọ ruẹe ne ẹbe fo la ehe ne otọe uwa lae, ọ keghi vbe ye ọka ne ọ maa sẹẹ vuọn uwa ẹko.

Psalm 22:26

Avbe ivbiogue gha re vbene iran ho, iran ni bu e Nọyaẹnmwa rre, gha rho ẹre, te agbọn gha ma iran ẹdẹdẹmwẹdẹ.

Psalm 36:8

Evbare ọrhẹnrhẹn ne u hẹ ma ọ re ima re; u kevbe gie ima vbe gha wọn vbe ẹzẹ iruemwiẹse ruẹ.

Psalm 37:19

Iran i ra sẹ usẹ vbe ẹghẹ emwi dan; iran gha mwẹ zẹ vbene iran ho vbe ẹghẹ ukhunmwu.

Psalm 37:3

Mu ẹtin yan e Nọyaẹnmwa ne u gha ru emwi ẹse, vbe gha yin otọe nii vbe ne ai na mwẹ ẹbe.

Ẹksọdọs 23:25

Wa gha ga imẹ e Nọyaẹnmwa Osanobua uwa, I gha vbe ye amẹ kevbe evbare sẹ uwa ọkẹn, I ghi vbe viọ avbe emianmwẹ hia hin ehe ne uwa ye rre.

Aizaia 33:16

Ẹghẹ nii, wa gha rrọọ vbe ai mwẹ ẹbe, ẹkun ghi vbe sẹ uwa otọ vbene a miẹn wẹ, uwu owa ọkhẹ ne Ọ wegbe ọ re uwa ye. Wa gha miẹn evbare gha re, wa ghi vbe miẹn amẹ gha wọn.

Jerimaia 31:14

I gha ye evbare ne ọ ghi maa sẹẹ koko avbe ohẹn ne ẹko vuọn iran I ghi vbe gie iho avbe emwa mwẹ sẹ iran ọkẹn. Mẹ ne Nọyaẹnmwa tae nẹ.”

Hagai 1:6

Wa kọ ọka ọrhẹnrhẹn, sokpan ekherhe wa miẹn fian. Wa miẹn evbare gha re sokpan ẹ i vuọn uwa ẹko. Wa miẹn ayọn gha da, sokpan ọ ma sẹ ọkẹn sẹ ne ọ gha gbe uwa. Wa mwẹ ukpọn, sokpan, ẹ i gbe uwa oni. Ọmwa ne ọ winna, igho ne ọ miẹn i sẹ ọe ya koko egbe.

Hagai 1:9

“Emwiorhọ ọrhẹnrhẹn ọ re uwa te rhie aro yi, sokpan, a keghi do miẹn wẹ ekherhe ọ re nọ. Wa ghi vbe viọ nene emwiorhọ sẹ owa nẹ, I keghi ya ẹhoho kpolo ẹe kua. Vbọzẹ ne I na ru ẹe vberriọ? Rhunmwuda, edọmwadẹ ọghe ọe gha khọn bọlọ owa iran, vbe Ọgua Osa mwẹ ye re itowa.

Malakai 2:2

Te ọ kere ne uwa gha ya uyinmwẹ uwa rhie ọghọ mẹ. Deghẹ wa wẹ wa i rhie ehọ ye ẹmwẹ ne I ta, te I ra fi uwa unu. I gha fi avbe emwi ne uwa miẹn ya gha da egbe yi unu vbe ẹmwata, I fi ehia unu nẹ, rhunmwuda I tie ẹmwẹ ne I tama uwa ẹmwẹ kpataki.

Matiu 5:6

Ọ maa ne iran ni rhiegba ye ẹmwẹ ne a ru nọ yẹ Osa, Osanobua gha gie ẹko vuọn iran fẹfẹfẹ!

Iyẹn ne ọ Maan Ọghe Luk 1:53

Ọ ye emwi ni maa koko iran ne ohanmwẹ gbe ne ẹko vuọn. Ọ keghi gie iran ni fe fi abọ gha rrie.

Diuteronomi 14:29

Evbare na. ọghe avbe Livai nọ vbe ne a na miẹn wẹ iran imwẹ emwi obọ iran, kevbe avbe orhunmwuyẹn, emọ ne ẹ i mwẹ erha, kevbe avbe ẹgbẹ ni rre ẹvbo uwa. Iran ghi rre do gha viọ emwi ne iran imwẹ hia. Wa ghi ru ọna, e Nọyaẹnmwa Osanobua rua gha vbe fiangbe uwa vbe emwi ne uwa ru hia.