Psalm 132:11 - Edo Bible (E Baibol Ẹdo) Version 1996

¹¹ Ekhọekekhọe ọ re u ya ve Devid emwi, ive ne uwẹ i ra siẹn wẹẹ, “I gha ya ọkpa vbe uwu avbe ivbuẹ nikpia rri ọba, rẹn gha vbe rri ọba lele uwẹ.

Psalm 132:11 ပူးပေါင်းရင်းမြစ်များ

II Samuẹl 7:12

Wẹ gha ghi wu, a na vbe re ruẹ ba avbe erha a odede nẹ, I gha ya ọkpa vbe uwu ivbi uẹ ma ọba, I ghi vbe gie arriọba ẹre digiẹ.

II Samuẹl 7:14

Mẹ gha re erha ẹe, rẹn ghi vbe gha re ovbi mwẹ. Ọ gha ba emwi ku ru, I ghi rri ọre oya zẹ vbene erha rri ovbi ẹre oya.

II Samuẹl 7:16

U gha mwẹ uniẹn ruẹn khian rhinrin. I ghi vbe gie arriọba ruẹ gha rrọọ rhinrin ẹdẹ. Akhaemwisẹ arriọba ruẹ ẹ i ra fo ẹdẹ.’ ”

I Ọba 1:48

Ọ keghi kha wẹẹ, ‘Wa gie ima rho e Nọyaẹnmwa ne Osanobua Izrẹl, ne ọ gie ọkpa vbe uwu ivbi mwẹ rhie ihe mwẹ vbe ẹkete ẹdẹnẹrẹ na, ọ keghi vbe gun mwẹ tọ ne aro mwẹ sẹ ọe.’ ”

I Ọba 8:25

Banbanna nian, e Nọyaẹnmwa Osanobua Izrẹl, I rinmwian wẹ ne u vbe mu eyan nọkpa sẹ, ne u yan ma erha mwẹ ighẹ Devid ẹkpo ne u na kha ma rẹn wẹẹ, ‘I gha rhie ne uẹn rhinrin ẹdẹ ọmọ ne ọ gha rhie ihe ruẹ zẹ vbe ọba Izrẹl adeghẹ avbe ivbi uẹ họn ẹmwẹ mẹ zẹ vbene u wẹ gha ru.’

II Krọnikol 6:16

Banbanna nian, e Nọyaẹnmwa ne Osanobua Izrẹl, vbe mu eyan nọkpa ne u yan ma erha mwẹ sẹ vbe ne u na tama rẹn wẹ te a gha miẹn wẹ ọkpa vbe uwu ivbi uniẹn ọnrẹn ọ re ọ gha khaemwisẹ yan Izrẹl vbe ẹghẹ hia a dẹghe iran vbe lele uhi ruẹ zẹ vbene irẹn ru.

II Krọnikol 7:18

I gha mu eyan ne I yan ma erha a sẹ vbene I na tama rẹn wẹ usun uniẹn ivbi ẹre ọ re a gha na gha miẹn ne ọ khaemwisẹ yan Izrẹl ẹdẹdẹmwẹdẹ.

Psalm 110:4

E Nọyaẹnmwa vẹe ye urhu nẹ, ẹ i ra vbe fi ẹe werriẹ wẹẹ, “Ohẹn wẹ ra gha khin ẹdẹdẹmwẹdẹ vbe uniẹn ne a na rri ohẹn ọghe Mẹlkizẹdẹk.”

Psalm 89:33

Sokpan, mẹ i ra dobọ ne I na ho ẹmwẹ Devid yi, ra ne I ghẹ ru vbe ne I ve ẹre re.

Psalm 89:35

“I ya eni mwẹ ne ọ huanrẹn yan nẹ uhukpa ne ọ re ọghe ẹdẹ hia, mẹ i ra ta ohoghe ma e Devid ẹdẹ.

Psalm 89:37

Ọ gha mudia gbain zẹ vbe uki ne osẹe ẹmwata ne ọ rre iso nii.”

Psalm 89:5

Ẹrinmwi ya emwi ọyunnuan ne u ru so ihuan, iran ya aguobọ ọmwa ruẹn so ihuan, Nọyaẹnmwa.

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Iyẹn ne ọ Maan Ọghe Luk 1:32

Rẹn gha khian okpọmwa, a ghi vbe gha tie ẹre Ovbi Osanobua Ne Ọ Yọ Sẹ, Nọyaẹnmwa Osanobua gha ma ẹn re ọba zẹ vbe ne Devid ne erhae odede vbe gha ye.

Iwinna 2:30

Akhasẹ rẹn khin, ọ rẹn emwi ne Osanobua ve irẹn re. Osanobua tama rẹn wẹ, rẹn gha ya ọkpa vbe uwu avbe uniẹn ọnrẹn ma ọba, zẹ vbene irẹn vbe ye.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

I Samuẹl 15:29

Ọba Oghodua ugborrirri ọghe Izrẹl i ta ohoghe ra ne ọ gha fi ekhọe werriẹ, rẹn i re ọmwa kẹkan, ẹ i gbe yo gbe rre.”