Psalm 131:2 - Edo Bible (E Baibol Ẹdo) Version 1996

² Banbanna nian, ọghomwẹ sẹ mwẹ ọkẹn, egbe vbe rọkhọ mwẹ, zẹ vbene ọmọ hẹko lovbiẹ vbe ekuabọ iyẹe, erriọ ọ re ekhọe mwẹ hẹko hunwan vbe uwu imẹ.

Psalm 131:2 ပူးပေါင်းရင်းမြစ်များ

Psalm 42:11

Vbọzẹ yi, ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre, ọmiọnmwafan mwẹ kevbe Osanobua mwẹ.

Psalm 42:5

Vbọzẹ yi ne ekhọe mwẹ na rhia vbenian? Vbọzẹ ne orhiọn mwẹ ma na sẹ otọ? I gha hẹnhẹn idaehọ mwẹ yan Osanobua I gha vbe dọlegbe rho ẹre ọmiọnmwafan mwẹ kevbe Osanobua mwẹ.

Psalm 43:5

Vbọzẹ yi ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre ọmiọnmwafan mwẹ Osanobua mwẹ.

Psalm 62:1

I hẹko ya izin egbe mudia khẹ Osanobua ne ọ do miẹn mwẹ fan. Rẹn okpa kẹkan ọre I mu ẹtin yan.

Aizaia 30:15

E Nọyaẹnmwa ne Udazi, ọmwa nọhuanrẹn Izrẹl tama emwa ni wẹẹ, “Wa werriegbe rre, ne uwa hẹko mu ẹtin yan mwẹ. Ẹghẹ nii, wa gha wegbe, wa ghi vbe gha re ne ẹkun sẹ ọre otọ.” Sokpan, wa he ne uwa ru vberriọ.

Eve Orriara 3:26

rhunmwuda ọnii, ne a ye i ziengbe diakhẹ ọre, ọ re ọ maa sẹ ne a diakhẹ ọre ne ọ miẹn ima fan —

Iyẹn ne ọ Maan Ọghe Mak 10:15

Ne I tama uwa, ọmwa ne ọ ma rhan obọ miẹn Arriọba Osanobua zẹ vbe ọvbokhan, ẹ i sẹtin la uwu ẹre.”

Iyẹn ne ọ Maan Ọghe Luk 21:19

Wa mu uhunmwu kọe, rhunmwuda evba ọre imiẹnfan uwa ye.

I Kọrinti 14:20

Wa ghẹ gha yevbe ibiẹka vbe emwi ne uwa ro etẹn mwẹ, wa gha re ibiẹka vbe emwi dan ne a ru sokpan eniwanrẹn vbe iro ne a roro.

I Samuẹl 24:10

Wẹ gha tobọ miẹn nian wẹ te Nọyaẹnmwa wa rhie ruẹ yọmwẹ obọ ẹrẹna vbe uwu uvun okuta nii. Emwa mwẹ eso te wẹ ne I gbe uẹ ua sokpan ohan ruẹn keghi to mwẹ, I na wẹ I i ya obọ kan ruẹn hiehiere rhunmwuda, wẹ ọ re ọmwa ne Nọyaẹnmwa zẹe ne ọ gha re ọba.

I Samuẹl 30:6

Uwu ọlọghọmwa nọkhua ọre Devid ghi ye rhunmwuda ẹko ma maa rẹn hiehie rhunmwuda ivbi iran ne iran ma ghi miẹn, iran na gha yan ighẹ iran ra filo okuta gbe ẹe rua, sokpan, e Nọyaẹnmwa ne Osanobua ẹre keghi rhie igiẹudu ne ẹẹn.