Psalm 130:4 - Edo Bible (E Baibol Ẹdo) Version 1996

⁴ Sokpan, te uwẹ ya bọ mwa, ne ima gha ya imuegberriotọ họn ẹmwẹ ne uẹn.

Psalm 130:4 ပူးပေါင်းရင်းမြစ်များ

II Samuẹl 12:13

E Devid keghi kha wẹẹ, “I ru orukhọ ghe Nọyaẹnmwa nẹ.” E Natan keghi wanniẹn wẹẹ, “E Nọyaẹnmwa ya bọọ, u i ghi ra wu.

Job 22:23

Ẹn, hẹko ya imuegberriotọ werriegbe bu Osanobua. Ne u kie ehia ukpe ighẹ avbe emwi dan ne a ru vbe owa ruẹ.

Psalm 25:11

Mu eyan ruẹn sẹ Nọyaẹnmwa, ne u ya orukhọ mwẹ bọ mwẹ rhunmwuda iran wa bun.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Daniẹl 9:9

Wẹ mwẹ itohan, u keghi vbe yabọ, a gha rhe miẹn wẹ ma sọtẹ ghe ruẹ.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Ebe ne Pọl gbẹẹn gie emwa Rom 8:1

Banbanna nian, a ma ghi bu ohiẹn gbe iran ni ye egbe ba Jesu Kristi gha rrọọ.

II Kọrinti 5:19

Ẹmwẹ ne ima ta ẹe ọrọre wẹ, te Osanobua ma ghi ka orukhọ iran ye iran owẹ, rẹn keghi tae ya gie ima uhunmwu ighẹ ẹmwẹ vbene irẹn ya ye iran khian esiọre hẹ.

Ẹfisọs 1:7

Rhunmwuda, vbe ekpa uwu Jesu Kristi, a keghi fannọ ima ye otọ, ọnii nọ wẹ a keghi vbe ya avbe orukhọ mwa bọ mwa. U miẹn vbe ẹsọhẹ, Osanobua kpọlọ hẹ,

Kọlose 1:14

Ọmwa ne ọ miẹn ima fan, ọ na vbe ya avbe orukhọ mwa bọ mwa.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”