Psalm 130:3 - Edo Bible (E Baibol Ẹdo) Version 1996

³ Wẹ gha wẹ ne u ka orukhọ mwa ye ima owẹ, de ọmwa okpa ne ai ra bu abe gbe?

Psalm 130:3 ပူးပေါင်းရင်းမြစ်များ

Ẹzra 9:15

E Nọyaẹnmwa Osanobua Izrẹl, ọmwa ẹmwata ọ re uwẹ khin, u kevbe gie ima miẹn uhunmwu. Ma miẹn orukhọ mwa kue ma ruẹn, ma ma ghi vbe kei ne ọ gha rrie ehe ne uwẹ ye.”

Job 10:14

U kegha baba mwẹ, a deghẹ I gha fidọn. Ne u ghẹ miẹn ehe na yabọ mwẹ.

Job 15:14

“A gha miẹn ọmwa ne ọ gele wa huan fo ra? A gha miẹn ọmwa ne ọ wa gba na vbe odaro Osanobua ra?

Job 9:20

I ma rẹn ọkpa, I ma rẹn eva, ekhọe mwẹ vbe dia. Sokpan, ẹmwẹ mwẹ ghi yevbe irri abe. Ẹmwẹ ne I ta hia ghi yevbe ne ọ bu abe gbe mwẹ.

Psalm 143:2

Ghẹ danmwẹ imẹ ne ọguọmwadia ruẹ ghe; a i miẹn ọmwa ne ọ fo na vbe odaro ruẹ.

Psalm 76:7

Sokpan, emwa hia ọ re ọ mu ohan ruẹn Nọyaẹnmwa, ohu gha mu uẹn omwa okpa i rrọ ne ọ gha sẹtin mudia vbe odaro ruẹ.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Nahum 1:6

Ohu gha mu ẹẹn, de ọmwa ne ọ gha miẹn uhunmwu? De ọmwa ne ọ gha miẹn uhunmwu vbe obọ ohu ẹre nọkhua? Ọ hihiẹ ohu ẹre ne ọ baa vbe erhẹn ladian, avbe okuta nekhua rẹnkhẹn uan iran khian ebubẹ vbe odaro ẹre.

Malakai 3:2

Sokpan, de ọmwa ne egbe ẹre gha rrọ ẹdẹ ne ọ ra rre? De ọmwa ne ọ gha miẹn uhunmwu vbe ọ gha ya gbe ladian? Te irẹn ra ye vbe evbakhuẹ ne ọ wegbe, zẹ vbe erhẹn ne ọ kpe ematọn huan.

Diuteronomi 9:27

Ye avbe eguọmwadia ruẹ Ebraham, Aizik kevbe Jekọb rre, ne u ghẹ vbe zẹ ye iyienhọ ekhọe dan kevbe orukhọ ọghe iran na.

Arhie Maan 6:17

Rhunmwuda ẹdẹ izohu iran nọkhua gbe nẹ, de ọmwa ne ọ gha sẹtin khẹ iran vbe igbinna?”