Psalm 13:2 - Edo Bible (E Baibol Ẹdo) Version 1996

² Inu ẹghẹ, akhiẹ gha ye vuọn ekhọe mwẹ la, vbe avan kevbe asọn? Inu ẹghẹ ọre avbe eghian mwẹ, ra rhie obọ yan mwẹ uhunmwu la?

Psalm 13:2 ပူးပေါင်းရင်းမြစ်များ

Nehimaia 2:2

Rhunmwuda ọnii, ọ keghi nọ wẹẹ, “Vbọzẹ ne ekhọe ruẹ na rhia sẹrriọ yi? U i khuọnmwi, iyayi ighẹ uwu akhiẹ ọ re u ye.” Ohan keghi mu mwẹ.

Ẹsta 7:6

Ẹsta keghi wanniẹn wẹẹ, “Oghian ima ne ọ zẹ ima kpokpo ọrọre ọmwa dan na ighẹ Haman.” E Haman keghi ye ohan nọkhua bolo aro a gha ghe ọha kevbe Oloi.

Job 10:15

I gha fidọn kherhe, I la ẹmwẹ vbe obọ ruẹ. I gha gbe ẹse, a i wẹ mwẹ ọbevbaru, egbe wọ mwẹ, emwi ekhue gba mwẹ egbe.

Psalm 10:18

U gha họn, utumwẹ iran ne a zẹ kpokpo, kevbe emọ ne ẹi mwẹ erha. U gha bu ohiẹn ne iran, ne ọmwa ne ọ vbe sẹtin wu, ghẹ ghi zẹ afianma ye ọmwa egbe ọvbehe.

Psalm 116:3

Ẹbe ọghẹ uwu te lẹga mwẹ; orrirri idin te lẹga mwẹ; ohan kevbe ohawa te ra gbe mwẹ uan.

Psalm 17:9

Hin adekun ọmwa ọghe emwa dan. Eghian ni ho ọmwa uwu lẹga mwẹ,

Psalm 31:18

Gue avbe ọhọn ohoghe ni unu iran ni tọn egbe mu kevbe ni hio. Iran ni ye ukpe iran sakan avbe emwa ẹmwata.

Psalm 38:17

Te I ghi ra de, obalọ ọ re I ghi ye vbe ẹghẹ hia.

Psalm 42:4

I gha ye ẹghẹ ne ọ gberra rre, ekhọe mwẹ ghi rhia. Ẹghẹ ne I na lele emwa nibun ye owa Osanobua. Mẹ ghi ke odaro ne iran, vbe iran a gha khian. Emwa nibun ne ẹko rhiẹnrhiẹn, iran ghi gha so ihuan, iran ghi vbe go wan Osanobua.

Psalm 6:4

Gha de do miẹn mwẹ fan, Nọyaẹnmwa wọlọ mwẹ hin obọ uwu rre, rhunmwuda itohan ruẹn.

Psalm 7:2

Ne iran ghẹ ya mu mwẹ gha rriẹ, zẹ vbe oduma, vbe ne ọmiọnmwafan i na rrọọ. Iran ghi yanghan mwẹ ye otọ, ukhiọnmwẹ ukhiọnmwẹ.

Psalm 74:10

Vbe avbe eghian mwa ra giẹ uwẹ kpee sẹ hẹ vbe otọ yi Nọyaẹnmwa? Iran gha kpa unu ghe eni ruẹn rhinrin ẹdẹ ra?

Psalm 74:18

Sokpan, yerre Nọyaẹnmwa wẹẹ avbe eghian an wa giọ ọ kevbe wẹ iran ma rẹn ruẹn iran vbe zan ruẹn.

Psalm 8:2

Avbe ibiẹka kevbe avbe emobọ hia, ya ẹe so ihuan. Wẹ gbe ẹkun sẹ otọ, u kevbe rrọ vbe ai mwẹ ẹbe, vbe obọ avbe eghian ruẹn hia. Wẹ da iran obọ yi, ighe iran ni mu aro igbinna da ruẹ.

Psalm 9:6

Avbe eghian mwa gbẹro nẹ ẹdẹdẹmwẹdẹ. U fuẹn ẹvbo iran an nẹ, a mianmian iran nẹ fẹẹrẹ.

Itan 15:13

Ẹko gha sẹ emwa ọyẹnmwẹ, iran ghi gha mumu ogiẹ, sokpan, ẹko gha rriara iran, iran ghi suku aro ua.

Asan-Ibo 5:17

Emwi ne a ghi miẹn vbọ ọrọre ne a gha lo ẹdẹ agbọn mwa vbe uwu ebiebi kevbe irhiaẹko, ekhọe ma sotọ, ohu kevbe emianmwẹ.

Jerimaia 15:18

De emwi ne I rrioya khian ba? Vbọzẹ ne ẹwẹn mwẹ i na mwẹ ukhunmwu? Vbọzẹ ne iran i na rrie? Te uwẹ ho ne u hiẹ mwẹ ra zẹ vbe ẹzẹ ne ọ kae vbe ẹghẹ uyunmwu?”

Jerimaia 45:3

U tae khian wẹẹ, ‘Egbe wọ mwẹ! E Nọyaẹnmwa vbe viọ akhiẹ ba orueghe mwẹ, egbe ne I ya tu obalọ hia guọghọ mwẹ yotọ, I ma ghi vbe miẹn egberọkhọmwẹ!’

Jerimaia 8:18

Akhiẹ mwẹ i mwẹ ukhunmwu I khuọnmwi emianmwẹ udu.

Eve Orriara 1:5

Obọ avbe eghian rẹn ke ukhunmwu iran mu ẹre izẹghede. E Nọyaẹnmwa ru ẹe ne ọ rrioya ye orukhọ ne ọ ru hia iran munọ avbe ivbi ẹre hia oghunmwu hẹ gha rrie.

Eve Orriara 1:9

Te a wa rherhe rẹn wẹ ọ ma huan sokpan, rẹn ma zẹ ye emwi ne ọ sunu vbe egbe irẹn. Udemwẹ ọnrẹn kegha re ne ọ mu ohan; ọmwa ne ọ gha sẹtin fu ẹre ẹko rre i rrọọ. Obọ avbe eghian gba ẹre nẹ, Te ọ ghi tu nọ itohan vbe obọ e Nọyaẹnmwa.

Eve Orriara 5:20

Vbu a ghi na fi iyeke gbe mwa kpee sẹrriọ hẹ yi? U gha ye ye ima rre ẹdẹ yi?

Matiu 26:38

Rẹn keghi tama iran wẹẹ, “Obalọ ekhọe mwẹ wo vbe egbe sẹ ne ọ ye ọmwa sa hẹ nian, wa mudia mwa ne uwa gunmwẹ gha ba odẹ.”

Iyẹn ne ọ Maan Ọghe Luk 22:53

Mẹ vbe uwa ọre ọ gba gha rre Ọgua Osa ẹdẹgbegbe, wa ma kha ighẹ uwa gha mu mwẹ, sokpan ẹghẹ ọghe uwa ọre ọ na khin kevbe ẹtin ebiebi.”

Iyẹn ne ọ Maan Ọghe Jọn 16:6

Eban I ghi ta ẹe ma uwa nian, orriara gba uwu ẹko.

Ebe ne Pọl gbẹẹn gie emwa Rom 9:2

U miẹn vbene I khiẹ hẹ, u miẹn vbene ekhọe mwẹ vuọn ne orriara ne ẹ i fo hẹ rhunmwuda emwa mwẹ ne ima gba re egbe ọkpa kevbe esagiẹn ọkpa.

Filipai 2:27

Ẹmwata nọ wẹ egbe ma te rran rẹn, ọ te wa wu fo, sokpan Osanobua keghi tohan rẹn, ẹ i re rẹn ọkpa, sokpan kevbe imẹ ba re, ne ọ na mu akhiẹ ne ọ sẹre ni hin mwẹ uhunmwu rre.

I Samuẹl 18:29

Rhunmwuda ọnii, ohan e Devid keghi dọlegbe gha mu ẹẹn, ọ keghi wa ya eghian so ẹe vbe ẹdẹ agbọn rẹn hia.

I Samuẹl 24:19

Avbe miẹn ra wẹ obọ ọmwa vba oghian rẹn, ọ zọrobọ ne ọ gha rrie vbe ne ẹ i na ru ẹre emwi rhọkpa? Te Osanobua gha fiangbe uẹ ye emwi ne u ru mẹ ẹrẹna!