1 Inu ẹghẹ u ghi ra ye mianmian mwẹ la yi Nọyaẹnmwa? Ẹdẹdẹmwẹdẹ nọ ra? Inu ẹghẹ u ghi ra ye rhie aro lẹ mẹ la?
“Vbe u a ghi na rhie aro lẹre mẹ hẹ yi? Vbe u a ghi na ye aro eghian ghe mwẹ hẹ?
E Nọyaẹnmwa, rri avbe emwa dan na oya. Ye avbe emwa ne oya re rre.
Vbe u a ra hunwan gha ghe ọna sẹ hẹ yi Nọyaẹnmwa? Wọlọ mwẹ hin ugbemwẹ iran rre, miẹn orhiọn mwẹ fan hin obọ avbe oduma na.
Vbua ghi na rhie aro lẹre ne ima hẹ yi? Ghẹ mianmian oya kevbe ukpokpo mwa.
Egbe ma rọkhọ mwẹ hiehie, vbua gha kpẹẹ sẹhẹ yi, Nọyaẹnmwa, u ke do yọmwẹ obọ?
Vbọzẹ ne u na sẹ ima rae vbenian yi Osanobua? U gha wa mu ohu ghe emwa ruẹn rhinrin ẹdẹ ra?
Vbe ọ gha ye kpee sẹ hẹ yi, Nọyaẹnmwa Osanobua Ne Oghodua? U gha mu ohu erhunmwu avbe emwa ruẹn ra?
Te u ra wa gha mu ohu ghe ima ẹdẹdẹmwẹdẹ ra? Ohu ruẹ i ra vbe fo ẹdẹ ra?
E Nọyaẹnmwa, u gha rhie egbe lẹre rhinrin ẹdẹ ra? Inu ẹghẹ ọ re ohu ruẹ gha giẹn la zẹ vbe erhẹn?
Ye ahoẹmwọmwa ruẹn ne ẹ i beghe vuọn ima owiẹ owiẹ, ne ima miẹn ehe na gha so ihuan, ne ọyẹnmwẹ vbe gha sẹ mwa vbe ẹdagbọn mwa hia.
Orukhọ uwa ọ re ọ sii ẹe ne ẹ i na zẹ ye uwa ẹre. Orukhọ uwa ọ re ọ wannọ uwa hin ehe ne Osanobua ye rre vbe uwa a te gha ho ne uwa ga ẹe.
Vbu a ghi na fi iyeke gbe mwa kpee sẹrriọ hẹ yi? U gha ye ye ima rre ẹdẹ yi?
Emwi vberriọ gha sunu, ohu iran gha mu mwẹ, I gha he iran ye otọ, a ghi fuẹn iran an. Ọkhọ ni mu ohan hia gha rruan iran, ẹghẹ nii iran ghi do rẹn wẹ emwi na sunu vbe egbe iran rhunmwuda, mẹ ne Osanobua iran i ghi rrọ yaba iran.