Psalm 129:5 - Edo Bible (E Baibol Ẹdo) Version 1996

⁵ Te obọ gha gba iran ni khuiwu e Zaiọn, ne a khulo iran werriegbe.

Psalm 129:5 ပူးပေါင်းရင်းမြစ်များ

Nehimaia 6:16

Avbe eghian mwa ni rre ẹvbo ni lẹga ghi họn vberriọ, ekhue keghi mu iran, rhunmwuda, dọmwadẹ ọghọe rẹnrẹn wẹ iyobọ Osanobua ọ re a ya winna iwinna na.

Ẹsta 6:13

Ọ keghi na iyẹn emwi ne ọ sunu vbe egbe irẹn ma amwẹ ọnrẹn kevbe avbe esiọre. Okhuo nii kevbe avbe esiọre ni wan ni keghi tama rẹn wẹẹ, “U hẹko laghe iyeke ne Modekai khian nẹ. E Ju rẹn khin, obọ ruẹ i sẹtin ke ukhunmwu ne ẹẹn. Vbene a i na gba awẹawẹ, ọ gha ma ruẹn.”

Ẹsta 9:5

Rhunmwuda ọnii, avbe Ju sẹtin ru avbe eghian iran emwi ne ọ khọn iran. Iran keghi ya umozo yan iran, iran na rẹnkhẹn iran an.

Psalm 122:6

Wa na erhunmwu ye ọfumwegbe Jerusalẹm: “Te agbọn gha ma iran ni ho ẹmwẹ ruẹn.

Psalm 40:15

Iran ni ya mwẹ gbogiẹ te obọ gha vba iran ne iran gha ghe gbọọ.

Psalm 71:13

Te obọ gha gba iran ni gun mwẹ gbinna ne a fuẹn iran an. Te a gha ya ekhue mu iran, ni ho ne iran kuan mwẹ, ne a vbe fa iran an.

Aizaia 10:12

Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Aizaia 29:8

Avbe uhunmwu ẹvbo hia ni si koko ne iran gu e Jerusalẹm gbinna, gha yevbe okpia ne ohanmwẹ gbe ne ọ minaẹn wẹ rẹn wa rri evbare, sokpan ọ keghi rhiọrre vbene ohanmwẹ na gbẹe, ra zẹvbe okpia ne ovbamẹ ra gbe ua, ne ọ minaẹn wẹ rẹn wọn amẹ, sokpan, ọ ghi rhiọrre, ẹho ẹre kakae.

Aizaia 37:22

e Nọyaẹnmwa khare wẹẹ, “Ore nọkhua e Jerusalẹm gha giọ, wẹ ne Senakẹrib, ọ ya a gbe ogiẹ.

Aizaia 37:35

I gha gbinna ne ẹvbo na, I gha vbe degue ẹre, rhunmwuda uyi mwẹ kevbe rhunmwuda eyan ne I yan ma e Devid ne ọguọmwadia mwẹ.’ ”

Maika 4:11

Uhunmwu ẹvbo si koko, ne iran mu okuo gie uwa. Iran wẹẹ, “Te a gha dunmwu e Jerusalẹm sẹ otọ. Ma gha ya ẹvbo na khian itowa!”

Zẹkaraia 12:3

Sokpan, ọ gha sẹ ẹghẹ ne a kha na, I gha ye Jerusalẹm khian emwi ne ọ ye vbe okuta ne ọ khua. Ẹvboikẹvbo ne ọ wẹ rẹn ra tọn ẹn mu gha miẹn ikuangbe. Avbe uhunmwu ẹvbo hia ni rre agbọn gha ku obọ gbe ne iran gu ẹe gbinna.

Zẹkaraia 12:6

“Ọ gha sẹ ẹghẹ nii, I gha ru ẹe ne ẹwae ni rre Juda gha ye vbe erhẹn ne ọ rre otọe ẹgbo ra ni rre ugbo ọka ne ọ wo nẹ, iran gha fuẹn avbe ẹvbo ni lẹga iran an. Ivbi e Jerusalẹm ghi gha rrọ vbe ne ẹkun na sẹ iran otọ vbe ore ẹvbo.

I Kọrinti 16:22

Ọmwaikọmwa ne ọ ma ho ẹmwẹ Nọyaẹnmwa, gha dee! Maranatha — Nọyaẹnmwa, rre!