Psalm 128:3 - Edo Bible (E Baibol Ẹdo) Version 1996

³ Amwẹ ọn gha ye vbe azara ne ọ mọ ọmọ vbe owa ruẹ, avbe ivbuẹ ghi ye vbe erhan oliv, lẹga eteburu ruẹ.

Psalm 128:3 ပူးပေါင်းရင်းမြစ်များ

Gẹnẹsis 49:22

Ekẹtẹkẹtẹ oha ọre Josẹf khin, ekẹtẹkẹtẹ oha ne ọ rre ọkpẹn ẹzẹ, ivbi e ekẹtẹkẹtẹ ni rre ọkpẹn oke.

I Krọnikol 8:40

Ivbi Ulam kegha re ivbiyokuo ni hin usi kevbe ifiẹkpede, emọ iwu kevbe eyẹ, emọ ikpia ne ọ biẹlẹ hia keghi gha re ekigbesiyeha yan iyisẹn (150). Iran hia ne a sunu yi na ẹwae Bẹnjamin ọ re iran gha khin.

Psalm 127:3

E Nọyaẹnmwa ọ re ọ ye emọ ru ọmwa ẹse afiangbe ne ọ sẹre ọ re iran khin.

Psalm 127:5

Afiangbe nọ ne ọmwa, ne ọ mwẹ egbe ifẹnmwẹ vberriọ nibun; obọ i sẹtin ke ukhunmwu ne ẹẹn, vbe irẹn vbe eghian rẹn a viọ aro da egbe, vbe ehe ne a na bu ohiẹn.

Psalm 144:12

Te ivbi ima nikpia vbe ẹghẹ igbama iran, gha yevbe erhan ni wanrẹn ni digiẹ. Ne ivbi ima nikhuo gha yevbe orre ọsughe, ne a ya te igiekẹn ẹguae.

Psalm 52:8

Sokpan, mẹ yevbe erhan oliv, ne ọ wan ladian vbe owa Osanobua ahoẹmwọmwa rẹn ne ẹ i beghe ọ re imẹ mu ẹtin yan ẹdẹ kevbe ẹdẹdẹmwẹdẹ.

Jerimaia 11:16

Vbe ẹghẹ ọkpa, I keghi tie iran erhan ohọ ne ọ vuọn ne ọ vuọn ne ebe kpọtọ kpọtọ kevbe ọmọ ne mose mose, sokpan I gha davan vbe avan nukhunmwu ne I ya mu erhẹn ye ebe ẹre, I ghi vbe guọghọ ẹre abọ kua.

Ezikiẹl 19:10

Te iye uẹ te ye vbe erhan azara, ne a kọ ye ọkpẹn ẹzẹ. Rhunmwuda ne amẹ na rrọ ẹsẹse nii, ọ keghi họn ebe, ọ keghi vbe mọ ẹsẹse.

Ebe ne Pọl gbẹẹn gie emwa Rom 11:24

Wa ne ẹ i re Ju, te uwa yevbe abọ erhan oliv ne oha, ne a fian, a na do mamaẹn mu erhan oliv vbe odẹ ne ọwa la ihan nẹ vbene a ru emwi la. Te avbe Ju yevbe erhan ne a mobọ kọ na, rhunmwuda ọnii, ẹ i ra lọghọ Osanobua khekherriọ vbe ọ gha mama abọ ne a giagiae kua nẹ mu nene erhan ne a ke giagiae rre.