Psalm 128:2 - Edo Bible (E Baibol Ẹdo) Version 1996

² Iwinna ruẹn gha rhie emwi ne u gha re nuẹn, ẹko gha rhiẹnrhiẹn ọn, agbọn gha vbe ma ruẹn.

Psalm 128:2 ပူးပေါင်းရင်းမြစ်များ

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Psalm 1:3

Iran yevbe erhan ni zọ vbe ọkpẹn ẹzẹ, ni vbe mọ ye ẹghẹ, ne ebe ẹre i vbe kaka.

Psalm 109:11

Te iran ne ọ rri ọre osa gha viọ emwi ẹnrẹn hia, te ẹrrẹe gha viọ ekhuan ne ọ khuan ẹn hia.

Asan-Ibo 8:12

Ọmworukhọ sẹtin wa ru orukhọ iyisẹn, ọ ghi ye gha rre agbọn. Erriọ nọ, I rẹn ẹmwẹ ne iran ta wẹẹ, “U gha ya ọghọ ne Osanobua, emwi hia ghi gha dunna nuẹn.

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Aizaia 62:8

E Nọyaẹnmwa yan eyan akekhọerre nẹ ọ gha ya ẹtin irọẹn mu ẹẹn sẹ, “Ọka ruẹ i ghi re ne avbe eghian ruẹn gha ya gha koko egbe iran. Avbe ọrriọvbe i ghi ra dọlegbe gha rhie ayọn ruẹn da.

Aizaia 65:13

Mẹ ke ghi rhunmwuda ọnii tama uwa wẹ iran ni ga mwẹ, iran na vbe gha hẹnmwẹ mẹ, gha miẹn gha re, kevbe gha da ọwọrhọwọrhọ, sokpan, ohanmwẹ gha gbe uwa, ovbamẹ ghi vbe gha gbe uwa. Ẹko gha sẹ iran ọyẹnmwẹ sokpan, wa gha fa egbua.

Jerimaia 22:15

U gha bọlọ owa isida, ne ọ mose sẹ ọghe emwa ọvbehe. Onii gha ya uwẹ khian ọba ne ọ maa sayọ ra? Te erha a wa rrii orhiẹnrhiẹn agbọn rẹn sẹ omwa. Te irẹn wa gha taa ẹmwata, ọ vbe gha ru emwi vbene ọ kei yi, emwi ne ọ ru hia, te ehia wa dunna ne ẹẹn.

I Kọrinti 15:58

Rhunmwuda ọnii nian, wa ne etẹn mwẹ, wa mudia gbain vbe ne a i na vbọ owẹ. Wa tua obọ ye iwinna ne uwa winna ne Nọyaẹnmwa, ugbẹn vbe uwa rẹn nẹ nian wẹ, iwinna ne uwa winna vbe uwu ugamwẹ Nọyaẹnmwa, ọkpa ne ẹ i mwẹ esa, ẹ i rrọọ.

Ẹfisọs 6:3

“Ne u miẹn ehe na maa kevbe ne u vbe tọ vbe otọe nii.”

Diuteronomi 28:11

E Nọyaẹnmwa gha viọ emọ ni bun ne uwa, ẹmila nibun deba emwiokọ ọrhẹnrhẹn, vbe otọe ne irẹn ve avbe erha uwa odede re wẹ rẹn gha mu ne uwa.

Diuteronomi 28:39

Wa gha kọ emwiokọ ne a ya ru ayọn ne ọ baa wa ghi vbe dọlọ ẹe yi, sokpan wa i ra kọlọ ọmọ, ra ne uwa wọn ayọn rẹn, rhunmwuda ọkhọe gha rri erhan ne a ya ru ayọn ne ọ baa na.

Diuteronomi 28:4

“E Nọyaẹnmwa gha fiangbe uwa ẹsẹse vbe egbe emọ ni bun, vbe egbe emwiokọ, vbe egbe ẹmila kevbe egbe ohuan.

Diuteronomi 28:51

Iran ghi rri ẹmila kevbe emwiokọ uwa, ovbamẹ ghi gbe uwa la ẹrinmwi. Iran i ra sẹ ikpẹ ọka ọkpa rae ne uwa ra ayọn ra ofigbọn ọliv, ra ẹmila ra ohuan, wa ghi wulo.

Diuteronomi 28:8

“E Nọyaẹnmwa Osanobua rua gha fiangbe iwinna uwa, ọ ghi vbe ya ọka vuọn erru uwa hia. Ọ gha fiangbe uwa vbe otọ ne ọ ra mu ne uwa.