Psalm 126:4 - Edo Bible (E Baibol Ẹdo) Version 1996

⁴ E Nọyaẹnmwa viọ ima werriegbe gha rrie otọe mwa, zẹ vbene amẹ ne ọ rhọ lẹ amẹ werriegbe ye avbe otọ ẹzẹ ni te ka!

Psalm 126:4 ပူးပေါင်းရင်းမြစ်များ

Psalm 126:1

Ẹghẹ ne Nọyaẹnmwa na viọ ima dọlegbe gha die Jerusalẹm, te ọ wa yevbe imina!

Psalm 85:4

Viọ ima werriegbe rre Nọyaẹnmwa ọmiọnmwafan mwa ne u vbe dobọ ẹko nọ rhiae ruẹ ghe mwa yi.

Aizaia 35:6

Arọ gha san ghe odukhunmwu, ọ ghi gha kuu. Iran ni i sẹtin guan gha davan ne oghọghọ. Amẹ ẹzẹ ne ọ lẹ, gha lẹ la adesẹ ato.

Aizaia 41:18

I gha gie ẹzẹ gha lẹ vbe oke ni dihoi rua ivbi uhunmwu ẹzẹ gha vbe gha lẹ vbe uwu iya I gha ye ato khian avbe odighi amẹ.

Aizaia 43:19

Wa rhie aro yotọ gha khẹ emwi ọgbọn ne I khian ru, ọ wa sunu nẹ wa gha sẹtin bẹghe ẹre nian! I gha zẹ odẹ la adesẹ ẹgbo, I ghi vbe viọ ẹzẹ ne ọ lẹ ne uwa vbe evba.

Jerimaia 29:14

Ẹn, erriọ I tae wẹ wa gha gualọ mwẹ miẹn. Mẹ ghi viọ uwa ya ye ihe vbe otọe uwa. I gha si uwa koko ke dọmwadẹ ẹvbo, kevbe dọmwadẹ ehe ne I zagha uwa gha rrie, I ghi viọ uwa gha die otọe nii ne I ke viọ uwa kpao gha rrie iwe. Mẹ ne Nọyaẹnmwa tae nẹ.’

Jerimaia 30:3

Rhunmwuda ẹghẹ dee ne I gha na viọ emwa mwẹ ighe Izrẹl kevbe Juda. I ghi viọ iran dọlegbe gha di otọe nii ne I mu ne avbe erhan iran odede, iran ghi dọlegbe do yan ẹnrẹn. Mẹ ne Nọyaẹnmwa ọre ọ taa ẹe.”

Hozia 1:11

A gha ku ivbi Izrẹl kevbe ivbi e Juda kugbe ne iran gha re ọkpa. Iran ghi koko tobọ iran zẹ olotu ọkpa. Iran ghi dọlegbe gha bun yọ, agbọn ghi maa iran vbe otọe iran. Ẹn, ẹdẹ nọkhua ọre ẹdẹ, Jizrẹl ra gha khin.

Jọsua 3:16

Amẹ keghi dobọ ulẹmwẹ yi, ọ na hin utete gha rrie odẹ uhunmwu ẹzẹ gban an vbe Adam ne ẹvbo ne ọ rre ọkpẹn Zarẹtan, ulẹmwẹ ẹzẹ ghe ototọ ne ọ rrie Okun Nọwu ke wa gha re ne a yan fua, emwa keghi fian ẹn rra vbe ọkpẹn Jẹriko.