Psalm 126:3 - Edo Bible (E Baibol Ẹdo) Version 1996

³ Vbe ẹmwata, ọ ru emwi ne ọ kpọlọ ne ima, u miẹn vbe ọyẹnmwẹ sẹ mwa yọ hẹ!

Psalm 126:3 ပူးပေါင်းရင်းမြစ်များ

Psalm 18:50

Osanobua rhie akhọnmiotọ ne ọba ẹre, ọ rhie aho ẹmwẹ ọmwa ne ẹi beghe maa, ghe ọmwa ne irẹn hannọ zẹ ghe Devid kevbe ivbi uniẹn ọnrẹn ẹdẹdẹmwẹdẹ.

Psalm 31:19

Umiẹn vbe ehia mose hẹ ighe avbe emwi esi ne u hẹ ye otọ, khẹ iran ni ya ọghọ ne uẹn. Agbọn hia rẹnrẹn vbene u ma hẹ. A miẹn vbe u viọ iran ni mu ẹtin yan ruẹn lẹre hẹ khuankhuan an khuan.

Psalm 68:22

E Nọyaẹnmwa khare wẹẹ, “I gha viọ avbe eghian uwa dọlegbe ke Basian gha dee, I gha viọ iran werriegbe ke ototọ ẹzẹ okun gha dee.

Aizaia 25:9

Ọna ghẹ ghi sunu, emwa hia ghi kha wẹẹ, “Rẹn ọrọre Osanobua mwa. Ma mu ẹtin mwa yan rẹn, ọ keghi vbe miẹn mwa fan. rẹn ọrọre Nọyaẹnmwa! Ma mu ẹtin mwa yan rẹn, banbanna nian, ma gha ghọghọ, ọyẹnmwẹ sẹ mwa, rhunmwuda ọ miẹn mwa fan.”

Aizaia 66:14

Wa ghẹ ghi miẹn vbe ọna a gha sunu, wa gha ghọghọ. Ọna gha ya uwa wegbe, egbe ghi vbe rran uwa. Ẹghẹ nii wa gha na rẹn wẹ mẹ ne Nọyaẹnmwa yi avbe emwa ni họn ẹmwẹ mẹ obọ, kevbe wẹ mẹ vbe rhie ma avbe eghian mwẹ vbe ohu a mu mwẹ.”

Joẹl 2:20

I gha khulo avbe oghẹn irhiso kua, iran ni te ke odẹ okuọ rre, I gha khulo eso vbọ la uwu ato. I gha khulo iran ni ke odaro, la uwu Okun Nọwu, iran ni ke iyeke, gha la uwu e Meditẹrrenian. Ikun iran ghi gha wia. I gha fuẹn iran an, rhunmwuda emwi hia ne iran ru uwa ẹre.

Joẹl 2:21

“Wa ne oha, wa ghẹ mu ohan, sokpan, wa gie ẹko gha sẹ uwa ọyẹnmwẹ rhunmwuda emwi hia ne Nọyaẹnmwa ru ne uwa.

Iyẹn ne ọ Maan Ọghe Luk 1:46

Meri keghi kha wẹẹ: “Ekhọe mwẹ rho Nọyaẹnmwa vbe uyi,

Iyẹn ne ọ Maan Ọghe Luk 1:49

Rhunmwuda, emwi nọkhua ne Osanobua ne ọ kpọlọ ru mẹ. Ne ọ huanrẹn ọre eni ẹnrẹn vbe khin.

Arhie Maan 12:10

I keghi họn urhu ne ọ la ọkpa ne ọ khare vbe ẹrinmwi wẹẹ, “Banbanna nian, imiẹnfan Osanobua rre nẹ. Banbanna nian, Osanobua rhie ẹtin ẹnrẹn maa nẹ, zẹ vbe Ọba. Banbanna nian, Mẹzaia ẹre rhie asẹ ọre maa nẹ. Rhunmwuda, ọmwa ne ọ gu etẹn mwa gui, ne ọ mudia vbe odaro Osanobua gha ba iran ifi ẹzọ asọn kevbe avan, a muẹn fua hin ẹrinmwi rre nẹ.