Psalm 126:1 - Edo Bible (E Baibol Ẹdo) Version 1996

¹ Ẹghẹ ne Nọyaẹnmwa na viọ ima dọlegbe gha die Jerusalẹm, te ọ wa yevbe imina!

Psalm 126:1 ပူးပေါင်းရင်းမြစ်များ

Job 42:10

Ugbẹn vbe Job ghi na erhunmwu ne esiọ re eheha nẹ, e Nọyaẹnmwa keghi dọlegbe giẹ agbọn ma rẹn, ọ keghi viọ emwi ukhukhu eva ọghe ne ọ te ka mwẹ ne ẹẹn.

Job 9:16

Gie a kha wẹ ọ rhie ẹghẹ mẹ ne I ya zẹ ne unu mwẹ, mẹ ma yayi ighẹ ọ gha danmwehọ mwẹ.

Psalm 120:1

Ẹghẹ ne I na gha rre uwu ibaro, I kpe tie Nọyaẹnmwa, ọ kevbe zẹ ẹmwẹ wanniẹn mwẹ.

Psalm 121:1

Me gha tọn aro mu ghe avbe oke nii. De ehe ne iyobọ mwẹ gha ke rre?

Psalm 122:1

Ẹko mwẹ rhiẹnrhiẹn, vbe iran tama mwẹ wẹẹ, “Wa gie ima gha rrie owa e Nọyaẹnmwa.”

Psalm 123:1

Nọyaẹnmwa, wẹ ọ re imẹ ye aro kọ mẹ rhie aro ye odẹ da ẹrinmwi ne u na khaemwisẹ.

Psalm 124:1

Akpawẹ ẹ i re ne Osanobua na mudia ne ima? Izrẹl, kha vberriọ nian,

Psalm 125:1

Iran ni mu ẹtin yan Nọyaẹnmwa yevbe Oke Zaiọn ne ẹ i gia rueghe, kevbe ne ẹ i gia bi.

Psalm 14:7

Erhunmwu ne I na ọrọre wẹ, ne akhọnmiotọ la odẹ Zaiọn sẹ egbe Izrẹl. U miẹn vbe ẹko ivbi Izrẹl gha rhiẹnrhiẹn hẹ, vbe Nọyaẹnmwa gha gie agbọn dọlegbe ma iran!

Psalm 53:6

Erhunmwu mwẹ ọrọre wẹ, ne akhọnmiotọ la Zaiọn sẹ Izrẹl obọ, u miẹn vbe ivbi Izrẹl gha ghọghọ hẹ ẹghẹ nii, vbe Osanobua a gie agbọn dọlegbe ma iran!

Psalm 85:1

E Nọyaẹnmwa, u mobọ tohan emwa ruẹn, u gie agbọn dọlegbe ma Izrẹl.

Psalm 85:2

U ya orukhọ emwa ruẹn bọ iran u kevbe ye abakuru iran hia lekhue,

Jerimaia 29:14

Ẹn, erriọ I tae wẹ wa gha gualọ mwẹ miẹn. Mẹ ghi viọ uwa ya ye ihe vbe otọe uwa. I gha si uwa koko ke dọmwadẹ ẹvbo, kevbe dọmwadẹ ehe ne I zagha uwa gha rrie, I ghi viọ uwa gha die otọe nii ne I ke viọ uwa kpao gha rrie iwe. Mẹ ne Nọyaẹnmwa tae nẹ.’

Jerimaia 33:26

Zẹ vbene I wa vbe ru ena gbangbaangban, erriọ I ra ye obọ mu ile ne I gu ivbi uniẹn e Devid taa. I gha zẹ ovbi uniẹn e Devid ọkpa, ne ọ gha khaemwisẹ yan ivbi uniẹn Ebraham, Aizik kevbe Jekọb. I gha tohan emwa mwẹ, I ghi vbe ru ẹe ne agbọn dọlegbe maa iran.”

Hozia 6:11

“Zẹ vbe ọghe uwa ne ivbi Izrẹl, I rhie ẹghẹ yotọ nẹ ne I gha ya rri uwa oya ye emwi ne uwa ru na.

Joẹl 3:1

E Nọyaẹnmwa khare wẹẹ, “Ọ gha sẹ ẹghẹ nii, I gha gie agbọn dọlegbe maa e Juda kevbe Jerusalẹm.

Iyẹn ne ọ Maan Ọghe Mak 16:11

Rẹn ghi tama iran ighẹ Jesu rre agbọn ighẹ rẹn ye aro irẹn miẹn ọẹn, iran ma yae yi.

Iyẹn ne ọ Maan Ọghe Luk 24:11

Sokpan avbe erhuanegbe keghi tie ẹmwẹ ne avbe ikhuo nii do ta ẹmwẹ eghẹrẹ, iran ma vbe yayi.

Iyẹn ne ọ Maan Ọghe Luk 24:41

Iran ma ye yayi rhunmwuda iran vuọn ne oghọghọ, Ọ keghi yan iran unuan, rhunmwuda ọnii, ọ keghi nọ iran wẹẹ, “Wa mwẹ evbare vbe emwana ra?”

Iwinna 12:9

Pita keghi lele ẹe ladian vbe uwu ẹwẹdọ sokpan ọ ma gi ẹe rẹn deghẹ ẹmwata ọre emwi ne odibosa ru khin, ọ keghi te gha ro ighẹ te irẹn miẹn umian.

Diuteronomi 30:3

Ẹghẹ nii, e Nọyaẹnmwa Osanobua rua gha tohan uwa. Ọ ghi viọ uwa werriegbe ke ẹvbo ne ọ zagha uwa yi gha dee, ọ ghi dọlegbe gie agbọn ma uwa.