Psalm 124:7 - Edo Bible (E Baibol Ẹdo) Version 1996

⁷ Ma lẹ fe, zẹ vbene ahianmwẹ yuo hin ifi ọgbahianmwẹ rre ifi dọn fua, ma sannọ kua!

Psalm 124:7 ပူးပေါင်းရင်းမြစ်များ

II Samuẹl 17:2

I ghi dekun ẹnrẹn vbe ẹghẹ ne egbe na wọ ẹre na, ekhọe ẹre vbe lighi. Ọ gha runran, emwa rẹn hia ghi lẹ kua, ọba ọkpa ọre I gha gbe.

Psalm 129:4

Sokpan, e Nọyaẹnmwa ne ọmwa ẹmwata, fan mwẹ hin ọviẹn rre nẹ.”

Psalm 25:15

Aro e Nọyaẹnmwa ọ re imẹ ghe ne iyobọ vbe ẹghẹ hia. Ọ kevbe gha miẹn mwẹ fan vbe ẹbe.

Psalm 91:3

Ogha degue ruẹ hin ẹbe ni rre ẹkhokho hia, kevbe hin obọ emianmwẹ hia.

Itan 6:5

Zẹ egbe vbe ifi nii zẹ vbene ahianmwẹ ra ẹrhuẹ lẹ fe ohuẹ.

Jerimaia 18:22

Gie otu ọkhọ ya fu iran emwi viọ vbene iran ma na họn yotọ. Gie iran viẹ rhunmwuda ohan nọkhua. Iran tọn uvun yotọ khẹ mwẹ ne I de yọ, iran keghi vbe khuẹn ifi khẹ mwẹ wẹ ne ọ mu mwẹ.

Jerimaia 5:26

“Emwa dan rre uwu ẹbu emwa mwẹ. Iran rre ihako zẹ vbe emwa ni rhuẹ ifi ne ọ mu ahianmwẹ, sokpan ifi ne ọ munọ emwa ọ re iran rhuẹ re.

II Timoti 2:26

Ẹghẹ nii aro ghi do hian iran, iran ghi lẹfe vbe obọ ifi ne Esu rhuẹre, ọmwa ne ọ te ka mu iran yi ọ na ya iran gha ru enegbe ẹre.

I Samuẹl 23:28

Ẹre Sọl ghi na da obọ e Devid ne ọ khu khian yi, ọ na ya gu ivbi e Filistin gha gbinna. Ọna ọ si ẹe ne a na tie evba nii oke Iwannegbe.

I Samuẹl 25:29

Adeghẹ ọmwaikọmwa vbe dekun ruẹn, ọ na wẹ rẹn ra gbe ua, e Nọyaẹnmwa, Osanobua ruẹ gha rhie ruẹ lẹre, zẹ vbene ọmwa rhie emwi ighobioye lẹre. Zẹ vbe ọghe avbe eghian ruẹn, vbene ọ rhirhi a gha ye hẹ, e Nọyaẹnmwa gha filo iran kua zẹ vbe ne ọmwa ye umọvọn filo okuta kua.