Psalm 123:4 - Edo Bible (E Baibol Ẹdo) Version 1996

⁴ Ọ kpee gbe ne iran ni fe kegha ya ima gbogiẹ, iran hia ni hio kevbe ni kpokpo mwa gha zan mwa.

Psalm 123:4 ပူးပေါင်းရင်းမြစ်များ

Nehimaia 2:19

Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Job 12:5

Wa i mwẹ ọlọghọmwa, sevba wa gha ya mwẹ gbogiẹ; wa na gha fi ọmwa ne ọ de khian emwi.

Job 16:4

Gie a kha ighẹ mẹ ọ re uwa, wa na gha re imẹ, I gha wa sẹtin vbe ta avbe ẹmwẹ ne uwa talọ na. I gha sẹtin ya ẹwaẹn fieghe uhunmwu mwẹ, I gha ghi ye ẹmwẹ ne ọ tue ladian silo uwa kẹ egbe.

Psalm 119:51

Ẹghẹ hia iran ni tọn egbe mu ya zan mwẹ, sokpan, mẹ ma he beghe lahin uhi ruẹ rre.

Aizaia 32:11

Uwu ọrọkhọrhọ ọ re uwa ye dee usin, vbe ne a i na mwẹ oyanghan, sokpan, banbanna nian, wa gie ohan ya uwa gha guọ zẹzẹzẹ, wa bannọ ukpọn uwa kua, ne uwa viọ osọnmwẹ ukpọn rhuan.

Aizaia 32:9

Wa ne ikhuo ni rre uwu ọrọkhọrhọ, wa ni i mwẹ oyanghan rhọkpa, wa danmwehọ vbene I kha hẹ.

Jerimaia 48:11

E Nọyaẹnmwa khare wẹẹ, “Te ẹkun wa sẹ e Moab otọ ẹdẹ, a ma he vbe viọ iran yo iwe ẹdẹ. Te Moab ye vbe ayọn ne a gie ẹe de hẹnhẹn vbe ne a ma na kpokpo ẹe, a ma vbe ruẹn ọnrẹn ke uru okpa ye ọvbehe. A ma he rhia uwinhinmwẹ ọnrẹn uan, Ọ ke wa ye rhiẹnrhiẹn vbene ọ ye ẹdẹ.

Jerimaia 48:27

E Moab, ye rre vbene u gha ya ivbi Izrẹl gbogiẹ hẹẹ. U ke gha ru iran vbene a miẹn wẹ te a mu iran vbe uwu ẹbu otu izigan.

Jerimaia 48:29

E Moab hio gbe. I họn nẹ vbene iran hio hẹ, ne iran na vbe tọn egbe mu, iran ghi gha ye obọ rra ẹwẹe, ne iran na vbe kha i ghẹ a ma he miẹn egbe iran ẹdẹ.

Emọs 6:1

U miẹn vbe ọ gha ba so uwa hẹ, wa ni wa zẹ ọwọbu vbe Zaiọn, kevbe uwa ni kha wẹ vbe nene ẹbe ke dee, ni rre Sameria, wa ne okpemwa ni rre Izrẹl ne okpẹvbo na, wa ne emwa do gha lẹ vba nọ iyobọ!

Iwinna 17:21

(Rhunmwuda ivbi ẹvbo Atẹns kevbe avbe orhunmwuyẹn ni rrọọ, emwi ne iran ho ọrọre ne a gha danmwehọ ra ne a gha na iyẹn ẹmwẹ emwi ne ọ ghi vbe kiekie sunu.)

Iwinna 17:32

Ugbẹn vbe iran ghi họn vbe Pọl ya unu kan ẹmwẹ arhiọkpaegbe vbe idin orinmwi, eso kegha yae gbe ogiẹ, sokpan eso vbọ keghi vbe kha wẹ, “Ma gha ho ne u dọlegbe guan kan ẹmwẹ na.

Iwinna 26:24

Ugbẹn vbe Pọl ghi zẹ ene unu ẹnrẹn vbe nian, Fẹstọs keghi wa van okan mu ẹn wẹ, “Te u mwẹmwẹ Pọl, Ebe ne u ruẹ gbe ọre ọ ra si emwẹmwẹ ye uẹ egbe na.”

I Kọrinti 4:13

A gha talọ ku ima, ma ghi gha ya ẹmwẹ rọkhọrọkhọ wan nien ẹmwẹ. Ma ye vbe iku ne ọ kẹkẹ ẹe nẹ, ne a kpolo ku otiku vbe agbọn, ma ọrọre ekherhe agbọn na do sẹ banbanna.

I Samuẹl 17:42

Ugbẹn vbe ọ ghi dẹghe e Devid ẹse nẹ, ohu ẹre keghi mu ẹẹn ẹsẹse rhunmwuda, ọmọ ne ọ mose ẹsẹse nọ.