Psalm 123:2 - Edo Bible (E Baibol Ẹdo) Version 1996

² Zẹ vbene ọguọmwadia ye egbe yan arowa ẹre, zẹ vbene ọguọmwadia okhuo ye egbe yan aro wa ẹre nokhuo, erriọ ma khian gha ghe ruẹ obọ Nọyaẹnmwa Osanobua mwa a te do miẹn wẹ u tohan mwa.

Psalm 123:2 ပူးပေါင်းရင်းမြစ်များ

Gẹnẹsis 32:26

Okpia nii keghi kha wẹẹ, “Sẹmwẹ rae I ghe te ẹdẹ ghi ra gbe.” Sokpan Jekọb wanniẹn wẹẹ, “I i suẹ rae vbe ẹ i re te u fiangbe mwẹ nẹ.”

Gẹnẹsis 49:18

I diakhẹ ẹghẹ imiẹnfan ruẹn Osanobua.

I Ọba 1:20

Umogun, emwa Izrẹl hia wa khẹ ruẹ ne u tama iran ọmwa ne ọ gha rriọba lele uẹ.

II Krọnikol 20:12

We ọrọre Osanobua mwa! Rri iran oya, rhunmwuda, ma i miẹn emwi ọkpa ru vbe ehe ne ivbiyokuo ni bun sẹ nian na, ni gu ima khọn ye, ma ma rẹn emwi ne ima gha ru, sokpan, aro ruẹ ma ghi ghe ne iyobọ.”

Psalm 119:82

Aro vbo mwẹ ne I ya rhie aro ye odẹ gha khẹ eyan ne u yan rẹn, I keghi gha nọ wẹẹ, “De ẹghẹ ne u gha ya miẹn mwẹ fan?”

Psalm 25:15

Aro e Nọyaẹnmwa ọ re imẹ ghe ne iyobọ vbe ẹghẹ hia. Ọ kevbe gha miẹn mwẹ fan vbe ẹbe.

Iyẹn ne ọ Maan Ọghe Luk 18:1

Jesu keghi kpa itan na ma iran ne ọ ya ma iran ẹre wẹ ne iran ghẹ gie egbe erhunmwu ne a na wọ iran.

Jọsua 10:6

Ivbi e Gibiọn keghi gie emwa bu e Jọsua vbe agọ vbe Gilgal wẹẹ, “Ghẹ fi iyeke gbe ima enọwanrẹn! Zẹgiẹgiẹ gha dee do yi ma obọ! Miẹn ima fan! Avbe ọba Amọri hia ni rre ẹvbo odẹ uhunmwu oke wa kugbe mu aro igbinna da ima!”

Jọsua 9:23

Osanobua bu abe gbe uwa nẹ ye emwi ne uwa ru na. Eviẹn ọ re uwa ra gha khin ẹdẹdẹmwẹdẹ ne uwa gha rhọ erhan kevbe ne uwa vbe gha sa amẹ ye ehe ne ọ huanrẹn ọghe Osanobua mwẹ.”

Jọsua 9:27

Sokpan, vbe uwu ẹre nii, ọ keghi ya iran ru ni rhọ erhan kevbe ni sa amẹ ne ivbi Izrẹl kevbe aka ọghe Nọyaẹnmwa. Erriọ iran ye ru ẹe do sẹ ẹdẹ nẹrẹ na. Iran ghi gha winna vbe ehe ne e Nọyaẹnmwa a rhirhi wẹ ne a na gha ga irẹn.