Psalm 123:1 - Edo Bible (E Baibol Ẹdo) Version 1996

¹ Nọyaẹnmwa, wẹ ọ re imẹ ye aro kọ mẹ rhie aro ye odẹ da ẹrinmwi ne u na khaemwisẹ.

Psalm 123:1 ပူးပေါင်းရင်းမြစ်များ

I Ọba 8:30

Rhie ehọ ye erhunmwu mwẹ kevbe erhunmwu emwa ruẹn vbe iran a do na erhunmwu vbe emwa na. U ghi họn urhu mwa vbe owa ruẹ vbe ẹrinmwi ne u yabọ mwa.

Psalm 11:4

E Nọyaẹnmwa rre uwu Ọgua Osa ẹre ne ọ huanrẹn, ẹkete ẹre rre ẹrinmwi. Ọ gha ghe emwa hia vbe ehe hia. Ọ rẹn emwi ne iran ru.

Psalm 115:3

Osanobua mwa rre ẹrinmwi, ọ vbe ru emwi ne ọ rhirhi khọn rẹn.

Psalm 120:1

Ẹghẹ ne I na gha rre uwu ibaro, I kpe tie Nọyaẹnmwa, ọ kevbe zẹ ẹmwẹ wanniẹn mwẹ.

Psalm 121:1

Me gha tọn aro mu ghe avbe oke nii. De ehe ne iyobọ mwẹ gha ke rre?

Psalm 122:1

Ẹko mwẹ rhiẹnrhiẹn, vbe iran tama mwẹ wẹẹ, “Wa gie ima gha rrie owa e Nọyaẹnmwa.”

Psalm 124:1

Akpawẹ ẹ i re ne Osanobua na mudia ne ima? Izrẹl, kha vberriọ nian,

Psalm 125:1

Iran ni mu ẹtin yan Nọyaẹnmwa yevbe Oke Zaiọn ne ẹ i gia rueghe, kevbe ne ẹ i gia bi.

Psalm 126:1

Ẹghẹ ne Nọyaẹnmwa na viọ ima dọlegbe gha die Jerusalẹm, te ọ wa yevbe imina!

Psalm 127:1

A deghẹ Nọyaẹnmwa ma bọ owa, te iran ni bọ ẹe winna kẹkan. A deghẹ Nọyaẹnmwa ma rhie ẹvbo lẹre, te iran ni khẹ odẹ khẹ ọre kẹkan.

Psalm 128:1

Afiangbe ọrọre ọghe iran ni ye ọghọ ne Nọyaẹnmwa, iran ni lele iyi ẹre ru emwi.

Psalm 129:1

Izrẹl, tama mwa vbene avbe eghian zẹ uẹ kpokpo hẹ, ke ẹghẹ ọvbokhan ruẹn gha dee.

Psalm 130:1

Vbene iro wa ya han mwẹ, ọ re I ya kpe tie ruẹ Nọyaẹnmwa.

Psalm 131:1

E Nọyaẹnmwa, mẹ mu itengbemu mwẹ fua nẹ, I i ghi mwẹ obọ vbe avbe ẹmwẹ ni kọnkọn ra avbe irẹnmwi ni wegbe sẹ mwẹ.

Psalm 132:1

E Nọyaẹnmwa, ghẹ mianmian e Devid, kevbe usẹ ne ọ sẹ ọe hia.

Psalm 133:1

U miẹn vbene ọ maa hẹ u miẹn vbe ọ vbe rhiẹnrhiẹn hẹ ne emwa Osanobua gha gu egbe yin vbe ọfumwegbe.

Psalm 134:1

Wa larre, do rho e Nọyaẹnmwa wa ne eguọmwadia ẹre hia wa hia ni ga vbe Ọgua Osa ẹre vbe asọn.

Psalm 141:8

Sokpan, te imẹ ye mu ẹtin yan ruẹn khian, Nọyaẹnmwa, Osanobua mwẹ. Wẹ ọre I lẹgbinna, ghẹ gun mwẹ wu.

Psalm 2:4

E Nọyaẹnmwa giee ke ẹkete ẹre vbe ẹrinmwi rre, ọ keghi vbe ya uma eghẹrẹ iran gbogiẹ.

Psalm 25:15

Aro e Nọyaẹnmwa ọ re imẹ ghe ne iyobọ vbe ẹghẹ hia. Ọ kevbe gha miẹn mwẹ fan vbe ẹbe.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 66:1

E Nọyaẹnmwa khare wẹẹ, “Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. De egbe owa ne uwa ghi ra họ mẹ khekherriọ, de egbe ehe ne uwa ra rhie mẹ ne I gha dia?

Matiu 6:9

Vbenian ọre uwa ya gha na erhunmwu, “ ‘Erha mwa ne ọ rre ẹrinmwi: Gia ya ọghọ ne eni ruẹ nọhuanrẹn,

Iyẹn ne ọ Maan Ọghe Luk 18:13

Ne ọ koko igho uhunmwu na ya mudia vbe urria, ohan ma gi ẹe tọn aro mu ghe odukhunmwu, sokpan ọ keghi gba obọ ginna ẹwẹe, ọ wẹẹ, ‘Osanobua tohan mwẹ, mẹ ne ọmwa orukhọ.’ ”