Psalm 122:6 - Edo Bible (E Baibol Ẹdo) Version 1996

⁶ Wa na erhunmwu ye ọfumwegbe Jerusalẹm: “Te agbọn gha ma iran ni ho ẹmwẹ ruẹn.

Psalm 122:6 ပူးပေါင်းရင်းမြစ်များ

Gẹnẹsis 12:3

“I gha fiangbe iran ni fiangbuẹ Sokpan I ghi tie ihẹn ne ne ọ tie ihẹn nuẹn Vbe ekpa ruẹ, ọre I gha na fiangbe uhunmwu otọ agbọn hia.”

Nehimaia 11:1

Avbe ọkaolotu ni rrọ keghi yin e Jerusalẹm, avbe emwa ni dekẹe keghi yan uta ya zẹ ẹgbẹe ọkpa vbe uwu igbe ne ọ gha ya yin ẹvbo nọhuanrẹn ọghe Jerusalẹm vbene avbe nekpa na ya yin avbe okpẹvbo kevbe ore nekhua nekpa.

Nehimaia 11:2

Emwa ni keghi tian avbe emwa ọvbehe ni tobọ iran kha wẹ iran gha yin adesẹ ore Jerusalẹm.

Ẹsta 4:8

Ọ keghi rhie ọkpa ne Hatak vbe ebe ne a gbennẹ mu ladian vbe Susa wẹ ne wa fuẹn avbe Ju hia a. E Modekai na tama rẹn wẹ ne ọ rhie ebe ni ne Ẹsta, ne ọ vbe rhan otọ vbene emwi hia ye hẹ ma rẹn, ne ọ tama rẹn wẹ ne ọ bu ọba gha khian, ne ọ ya rinmwian wẹ ne ọ tohan emwa rẹn.

Psalm 51:18

Osanobua, tohan e Zaiọn ne u yi ọre obọ, dọlegbe gbe ekẹn Jerusalẹm.

Aizaia 62:7

Iran i ra gie ẹe hẹwẹ ọ te do rhie Jerusalẹm werriegbe ye ihe ẹre. Ne ọ ya ẹe khian okpẹvbo ne otọ agbọn hia go wan.

Aizaia 66:10

Wa ghọghọ ne Jerusalẹm, wa ghọghọ ne ẹẹn, wa hia ni ho ẹmwẹ ẹvbo nii! Wa ghọghọ ne ẹẹn nian wa hia ni ka vbe viẹ ọe yi.

Jerimaia 29:7

Wa gha ru emwi ne ọ maa ye dọmwadẹ ẹvbo ne I kue ne a viọ uwa oghunmwu gha rrie. Wa gha na erhunmwu ghe mwẹ ne iran rhunmwuda, agbọn gha maa iran, ọ gha vbe maa uwa.

Jerimaia 51:50

E Nọyaẹnmwa tama emwa rẹn ni rre Babilọn wẹẹ, “Wa lẹẹ uwu fe nẹ! Banbanna nian, wa ladian. Wa ghẹ mudia. A gha rhe miẹn ighe wa khian rrei vbe owa, wa mu ẹmwẹ imẹ ne Nọyaẹnmwa uwa ro, ne uwa vbe ye Jerusalẹm rre.

Nọmbas 24:9

Ẹvbo na yevbe oduma ne ọ mwẹ ẹtin ọ gha vbiẹ, a i miẹn ne ohan gie ẹe huẹn ọnrẹn. Afiangbe nọ ne ọmwa ne ọ na erhunmwu ne Izrẹl, ne ọ fi Izrẹl unu, a gha fi ẹre unu.”

Iyẹn ne ọ Maan Ọghe Jọn 17:21

I rinmwian ne iran hia gha re ọkpa. Evbavba, gie iran gha rre uwu ima ne agbọn miẹn ehe na yayi ighẹ wẹ ọre ọ gele gie mwẹ.

Ẹfisọs 4:3

Wa lo ẹtin uwa hia, ne uwa ya da ẹe yi ighẹ akugbe ne Orhiọn rhie ne ọmwa, vbe ekpa ọfumwegbe ne ọ dee uwa hia kugbe.

II Tẹsalonaika 3:16

Nọyaẹnmwa tobọ ẹre, ne ọre isi ehe ne ọfumwegbe mwa ke rre, ne ọ rhie ọfumwegbe ne uwa vbe ẹghẹ hia kevbe odẹ hia, Nọyaẹnmwa ne ọ yaba uwa hia.

I Jọn 3:14

Ma rẹnrẹn wẹ, ma lẹ uwu fe nẹ, ma keghi la uwu ẹfe. Ma rẹn ọna ye vberriọ rhunmwuda, ma ho ẹmwẹ etẹn mwa. Ọmwaikọmwa ne ẹ i mwẹ aho ẹmwẹ ọmwa, uwu uwu ọre ọ ye ye.

I Samuẹl 12:23

Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.