Psalm 121:4 - Edo Bible (E Baibol Ẹdo) Version 1996

⁴ Ọmwa ne ọ rhie Izrẹl lẹre ẹ i vbiẹhunde, vberriọ ẹ i vbiẹ.

Psalm 121:4 ပူးပေါင်းရင်းမြစ်များ

I Ọba 18:27

Ọ ghi sẹ ẹghẹ ogiavan, Elaija keghi suẹn gha ya iran gbe ogie wẹẹ, “Wa kakabọ go ladian vbe erhunmwu ne uwa na. Ẹbọ nọ. U gha ghe te ọ miẹn aro ra te ọ ra ya ghughẹ ra te ọ ra khian ladian. U gha ghe, te ọ vbiẹ ne uwa huẹn ọnrẹn!”

Psalm 127:1

A deghẹ Nọyaẹnmwa ma bọ owa, te iran ni bọ ẹe winna kẹkan. A deghẹ Nọyaẹnmwa ma rhie ẹvbo lẹre, te iran ni khẹ odẹ khẹ ọre kẹkan.

Psalm 27:1

E Nọyaẹnmwa ọrọre uwanmwẹ mwẹ kevbe imiẹnfan mwẹ, de ọmwa ne ohan rẹn gha mu mwẹ? E Nọyaẹnmwa, ọ re ọ degue mwẹ, hin uwu ẹbe hia, afianma i ghi fianmwẹ.

Asan-Ibo 8:16

Ẹghẹikẹghẹ ne I ya ho ne I gha wan, kevbe ne I vbe rẹn emwi ne ọ khian vbe agbọn na, I ghi miẹn wẹ ọmwa sẹtin rhan aro ua ye ukpo kevbe asọn kevbe avan.

Aizaia 27:3

“Te imẹ khẹ ọre, I ghi vbe gha gbe amẹ khakhae vbe ẹghẹ hia. Te I khẹ ọre ke asọn kevbe avan, ne ọmwarhọkpa ghẹ ya rhia ẹre ua.

Arhie Maan 7:15

Ọnii ọ si ẹe ne iran na mudia ye odaro ẹkete Osanobua, ne iran na vbe ga ẹe asọn kevbe avan vbe uwu Ọgua Osa ẹre. Ọmwa ne ọ tota ye ẹkete, gha la ekpa ne irẹn na rre evba, de gue iran.