Psalm 121:3 - Edo Bible (E Baibol Ẹdo) Version 1996

³ Rẹn i ra giẹ uwẹ de, ọmwa ne ọ rhie ruẹ lẹre, ẹ i vbiẹ.

Psalm 121:3 ပူးပေါင်းရင်းမြစ်များ

Psalm 127:1

A deghẹ Nọyaẹnmwa ma bọ owa, te iran ni bọ ẹe winna kẹkan. A deghẹ Nọyaẹnmwa ma rhie ẹvbo lẹre, te iran ni khẹ odẹ khẹ ọre kẹkan.

Psalm 41:2

E Nọyaẹnmwa gha degue iran vbe rhie ẹdagbọn iran lẹre. Ọ gha ya ekhọe iran gha rhiẹnrhiẹn vbe otọe nii rẹn i ra vbe sẹ iran rae ye obọ ẹtin avbe eghian iran.

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Psalm 66:9

Rẹn ọ re ọ gie ima gha rre agbọn, Ọ ma vbe gie ima dele.

Psalm 91:12

Iran gha tọn uwẹ mu mwẹ obọ, ne u ghẹ miẹn ehe na rrua owẹ vbe okuta.

Itan 2:8

Ọ degue iran ni ya obọ esi mu emwa ọvbehe, ọ ghi vbe gha khẹ odẹ ne iran ni gu obọ ẹre.

Itan 3:23

U gha sẹtin lele odẹ ruẹ gha khian, vbene u i na vbe rrua owẹ.

Itan 3:26

E Nọyaẹnmwa gha rhie ruẹ lẹre. Ẹ i vbe guẹ de ye ifi.

Aizaia 27:3

“Te imẹ khẹ ọre, I ghi vbe gha gbe amẹ khakhae vbe ẹghẹ hia. Te I khẹ ọre ke asọn kevbe avan, ne ọmwarhọkpa ghẹ ya rhia ẹre ua.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.