Psalm 12:6 - Edo Bible (E Baibol Ẹdo) Version 1996

⁶ Ne ọ gia mu ẹtin yan, ọ re eyan e Nọyaẹnmwa khin. Emwi ọmwata ọ re iran khin zẹ vbe esiliva ne a ya erhẹn kpe igba ihinrọn

Psalm 12:6 ပူးပေါင်းရင်းမြစ်များ

II Samuẹl 22:31

U miẹn vbe emwi ne Osanobua na ru gba ẹe hẹ. U miẹn vbe ẹmwẹ ọnrẹn gia mu ẹtin yan hẹ! Te irẹn yevbe asa, ne iran ne ọ wẹ ne ọ degue iran.

Job 20:19

rhunmwuda ne ọ na yan gbe iran ọ na vbe gha zẹ ivbiogue kpokpo ọ na ya iwegbe mu owa ne ọmwa ọvbehe bọe.

Job 28:1

“A miẹn uvun ne a kẹ zẹlẹ esiliva ladian vbe uwu otọ; a miẹn ehe ne a na ya erhẹn kpe igoru huan.

Psalm 119:140

U miẹn vbe eyan ruẹn de ziẹn hẹ, u miẹn vbe ọ yẹ mwẹ hẹ.

Psalm 18:30

Osanobua na, wẹ miẹn vbe emwi ne ọ ru khuia fo hẹ! Wẹ miẹn vbe ẹmwẹ ọnrẹn gie a mu ẹtin yan hẹ! Te irẹn ye vbe asa, ne iran hia ni le gbinna ẹẹn.

Psalm 19:8

Emwi ne ọ kere ọre uhi e Nọyaẹnmwa khin, te ọyẹnmwẹ sẹ iran ni ya ẹe ru emwi. Emwi ne ọ kere ọre iyi e Nọyaẹnmwa khin te ọ ya ekhọe rẹn emwi.

Psalm 66:10

Osanobua, wẹ danmwẹ ima ghe nẹ zẹ vbene a kpe esiliva vbe erhẹn erriọ ọ re uwẹ danmwẹ ima ghe.

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Psalm 9:13

Tohan mwẹ Nọyaẹnmwa. Ghe ọlọghọmwa ne avbe eghian mwẹ si yọmwẹ egbe. Fan mwẹ ye otọ vbe obọ uwu, Nọyaẹnmwa

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Ẹksọdọs 6:1

Ẹre Nọyaẹnmwa na tama e Mosis wẹẹ, “U gha miẹn emwi ne I gha ru ọba re ban. I gha ya obọ ne ọ tọn muẹn ne ọ miẹn ehe na gie iran gha khian. Vbe ẹmwata I gha ru ẹe ne ọ ya obọ ẹre khulo uwa ladian hin ẹvbo ẹre rre.”

Itan 22:23

E Nọyaẹnmwa ọ re ọ ra gui ẹzọ iran ne iran, ọ ghi niẹn obọ ye iran aro ighe avbe emwa ni vbe niẹn obọ ye iran aro.

Itan 30:5

“Te Osanobua mu ẹmwẹ ne ọ khare sẹ. Te ọ yevbe asa ne emwa hia ni lẹ gbinna ẹn.

Aizaia 14:22

E Nọyaẹnmwa ne Oghodua khare wẹẹ, “I gha dekun e Babilọn, I ghi rẹnkhọẹn ruan. I i ra vbe sẹ emwiọkpa rae yọ, ọ re emọ nọ ra emwa, ni gha miẹn uhunmwu irrọọ. Mẹ ne Nọyaẹnmwa ọ re ọ tae.

Aizaia 33:10

E Nọyaẹnmwa tama avbe uhunmwu ẹvbo wẹẹ, “Banbanna nian, I gha guan yọ, I gha rhie ma uwa vbene ẹtin mwẹ sẹ hẹ.