Psalm 12:5 - Edo Bible (E Baibol Ẹdo) Version 1996

⁵ Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 12:5 ပူးပေါင်းရင်းမြစ်များ

Job 5:15

Sokpan, Osanobua ghi miẹn ovbiogue fan vbe obọ uwu, ọ ghi miẹn ne ẹ i mwẹ fan vbe obọ iran ni zẹ ọre owẹ.

Job 5:21

Osanobua gha miẹn ruẹn fan vbe obọ ovinzẹ, ọ gha miẹn ruẹn fan vbe ọfuan a rre.

Psalm 10:12

E Nọyaẹnmwa, rri avbe emwa dan na oya. Ye avbe emwa ne oya re rre.

Psalm 10:18

U gha họn, utumwẹ iran ne a zẹ kpokpo, kevbe emọ ne ẹi mwẹ erha. U gha bu ohiẹn ne iran, ne ọmwa ne ọ vbe sẹtin wu, ghẹ ghi zẹ afianma ye ọmwa egbe ọvbehe.

Psalm 10:5

Ọmwa dan wa miẹn ọ dunnaẹn vbe emwi ne ọ ru hia, ẹi sẹtin rẹn otọ ibuohiẹn Osanobua. Te ọ ghe avbe eghian rẹn, silaa.

Psalm 31:19

Umiẹn vbe ehia mose hẹ ighe avbe emwi esi ne u hẹ ye otọ, khẹ iran ni ya ọghọ ne uẹn. Agbọn hia rẹnrẹn vbene u ma hẹ. A miẹn vbe u viọ iran ni mu ẹtin yan ruẹn lẹre hẹ khuankhuan an khuan.

Psalm 34:6

Iran ne ẹtin fo nẹ kpe tie ẹre, ọ keghi fannọ iran ye otọ vbe uwu ọlọghọmwa iran hia.

Psalm 73:8

Iran ghi gha giẹ emwa ọvbehe iran ghi gha guan ẹmwẹ emwi dan iran tọn egbe mu, iran keghi zẹ iro vbene iran gha wọ ọmwa ọvbehe uhunmwu hẹ.

Ẹksọdọs 5:2

E Fero keghi wanniẹn wẹẹ, “Gha ọre Nọyaẹnmwa yi? Vbọzẹ ne I gha na danmwehọ ẹre yi ne 1 gele gie ivbi Izrẹl kpao. Mẹ ma rẹn Nọyaẹnmwa, mẹ i ra vbe gie Izrẹl gha khian.”

Itan 14:31

U gha zẹ ivbiogue owẹ, Osa ne ọ yi iran ọ re u zan nii, sokpan emwi itohan ne a ru ne ivbiogue, iwinna ugamwẹ nọ.

Itan 18:21

Ẹmwẹ ne u tae sẹtin sinmwi ọmwa, ọ vbe sẹtin gbe ọmwa, rhunmwuda ọnii, u ghi mu egbe ne u ye egbe miẹn emwi ne ẹmwẹ ne unu ruẹn si rre.

Asan-Ibo 4:1

I keghi vbe dọlegbe do ghe avbe emwi hia ni sunu ne ẹ i la ihe vbe agbọn, iran ne a zẹ kpokpo gha viẹ egbe, sokpan a i miẹn ne ọ ru iyobọ ne iran. A i miẹn ne ọ ru iyobọ ne iran rhunmwuda obọ ọghe iran ni zẹ iran kpokpo, ọ re ẹtin khua ghe.

Asan-Ibo 5:8

Ghẹ giee yan uwe unu uan adeghẹ arriọba kpokpo ovbiogue, ighe ọ ma vbe gie a bu ohiẹn ẹmwata ne iran, ra ne a rhie emwi ne ọ khẹke iran ne iran. Dọmwadẹ ọmwa iwinna, ọmwa ne irẹn rre ototọ ẹre, ọ re ọ sinmwi ne ẹẹn, ọmwa ne ukpo ẹre ghi vbe yo sẹẹ ọ re ọ sinmwi ne iran eveva.

Aizaia 19:20

Ena ghi gha re ama ne a ya rhie ma wẹ e Nọyaẹnmwa ne Oghodua rre otọ Igipt. A gha miẹn wẹ, a wọ emwa ni rre evba uhunmwu, iran na kpetie e Nọyaẹnmwa wẹ ne ọ yi iran obọ, ọ ghi gie orhiọnkpa ne ọ ya miẹn iran fan.

Aizaia 33:10

E Nọyaẹnmwa tama avbe uhunmwu ẹvbo wẹẹ, “Banbanna nian, I gha guan yọ, I gha rhie ma uwa vbene ẹtin mwẹ sẹ hẹ.

Ezikiẹl 18:18

Vbe odẹ ne ogieva, erha ẹe do oyi, ọ vbe rha, ọ vbe ru emwa hia emwi dan vbe ẹghẹ hia. Rhunmwuda ọnii, orukhọ ne ọ tobọ ẹre ru ọ re ọ wu yi.

Hozia 7:16

Iran keghi wa gha fi iyeke gbe mwẹ iran na gha lẹ bu ẹbọ ne ẹ i mwẹ ẹtin rhọkpa yo. Zẹ vbene uhanbọ ne ọ gọe ye, ne ẹ i na gia mu ẹtin yan, erriọ ọre iran ye. Rhunmwuda ẹmwẹ uhiomwẹ ne iran ta, avbe ọkaolotu iran gha wulo uwu dan, ivbi Igipt ghi vbe gha giẹ.”

Jems 5:4

Wa ma he ha osa ne iran ne uwa ya gbe ugbo. Wa gha họn vbe ne iran gui hẹ! Eve ne iran ni rhọ emwiokọ uwa ne uwa viẹ, sẹ ehọ Osanobua nẹ, Nọyaẹnmwa ne Oghodua.

Giọgis 10:16

Rhunmwuda ọnii, iran keghi viọ ẹbọ ẹrrẹe iran kua, iran na gha ga e Nọyaẹnmwa, rẹn keghi vbe gha mu ẹmwẹ usẹ ne ọ sẹ ivbi Izrẹl rro.