Psalm 12:4 - Edo Bible (E Baibol Ẹdo) Version 1996

⁴ “Ẹmwẹ unu ima ọ re ima ya miẹn emwi nẹ ima ho. Emwi ne ọ khọn ima ọre ima ra gha ta. Ọmwa ne ọ gha sẹtin gbe eta ye ima unu, ẹi rrọọ.”

Psalm 12:4 ပူးပေါင်းရင်းမြစ်များ

Gẹnẹsis 3:5

Te Osanobua tae vberriọ, rhunmwuda, ọ rẹnrẹn wẹ, wa gha rriọe wa gha do gha ye vbe Osanobua, wa ghi do gha rẹn emwi ne ọ maa ke nẹ i maa zẹ vbene irẹn ye.”

Psalm 140:12

E Nọyaẹnmwa, mẹ rẹnrẹn wẹ, wẹ ọ re ọ mu ẹzọ ovbiogue gui, kevbe emwi ne ọ khẹke ne ẹ i mwẹ.

Ẹksọdọs 5:2

E Fero keghi wanniẹn wẹẹ, “Gha ọre Nọyaẹnmwa yi? Vbọzẹ ne I gha na danmwehọ ẹre yi ne 1 gele gie ivbi Izrẹl kpao. Mẹ ma rẹn Nọyaẹnmwa, mẹ i ra vbe gie Izrẹl gha khian.”

Itan 10:31

Emwa ẹmwata ghi gha guan ẹmwẹ ẹwaẹn, sokpan aranmwẹ ne ọ ta ẹmwẹ dan, a gha da ẹre obọ yi.

Jerimaia 18:18

Emwa nii keghi kha wẹẹ, “Wa gia gualọ vbene a gha ru ẹmwẹ e Jerimaia hẹ. A gha miẹn avbe ohẹn ne ọ gha ma ima emwi rhinrin, avbe umẹwaẹn ni gha bu ima ude, kevbe avbe akhasẹ ni gha ta ẹmwẹ Osanobua ma ima. Wa gie a mu ẹmwẹ kuan rẹn, ne a ghẹ ghi danmwehọ ẹmwẹ ne ọ ta.”

Jerimaia 2:31

Ivbi Izrẹl, wa danmwehọ ẹmwẹ ne I guan. Mẹ he ye vbe ato ne uwa ẹdẹ ra, zẹ vbe ẹvbo dan ne ọ su ebiebi. Vbe uwa ghi na kha hẹ wẹ emwi ne ọ khọn uwa ọ re uwa ra gha ru ighe wa i dọlegbe bu mwẹ dee.

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!