Psalm 12:3 - Edo Bible (E Baibol Ẹdo) Version 1996

³ Gbe eta ye iran unu aranmwẹ erẹrẹ. Gue iran unu ne iran ya rhuọ nii, ne iran na kha wẹẹ,

Psalm 12:3 ပူးပေါင်းရင်းမြစ်များ

Job 32:22

I gha vbe ru ẹe, te Osanobua rria mwẹ ikhi ẹgiẹgiẹ.

Psalm 116:11

Ya sẹ egbe ẹghẹ ne ohan na gha mu mwẹ, ne I na kha wẹẹ, “A i miẹn ọmwa ne ọ gia mu ẹtin yan.”

Psalm 140:12

E Nọyaẹnmwa, mẹ rẹnrẹn wẹ, wẹ ọ re ọ mu ẹzọ ovbiogue gui, kevbe emwi ne ọ khẹke ne ẹ i mwẹ.

Psalm 17:10

iran i mwẹ itohan, iran wa vbe rhuọ.

Psalm 55:22

Zẹ ọlọghọmwa ruẹn obọ ne Nọyaẹnmwa, rẹn gha gbinna ne uẹn, ẹ i kue ne a mu ọmwa esi gbotọ

Ẹksọdọs 15:9

Eghian keghi kha wẹẹ, ‘I gha khu iran, I gha vbe mu iran; I gha ghae ẹfe iran, I gha miẹn iran emwi ne I ho hia; I gha yuo umozo mwẹ ladian, I gha ya ẹtin mwẹ viọ emwi hia ne iran mwẹ.’

Itan 18:21

Ẹmwẹ ne u tae sẹtin sinmwi ọmwa, ọ vbe sẹtin gbe ọmwa, rhunmwuda ọnii, u ghi mu egbe ne u ye egbe miẹn emwi ne ẹmwẹ ne unu ruẹn si rre.

Itan 26:24

Ọmwẹkẹ ghi rhie ẹkokhọmwẹ ọnrẹn lẹre ye iyeke aranmwẹ ne ọ ya lalọ ọmwa egbe.

Aizaia 10:10

I kevbe niẹn obọ ya rri avbe ẹvbo ni gho ẹbọ oya, avbe ẹbọ ni bun sẹẹ ni rre Jerusalẹm kevbe Sameria.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Jerimaia 12:6

Uhin ighe avbe etuẹn nikpia, emwa ẹgbẹe ruẹ rhie ruẹ ma, iran rhie obọ ba okhọn ne a gu uẹ khọn. Ghẹ mu ẹtin yan iran, ọ gha khọn iran ne iran gha ta ẹmwẹ ose.”

Jerimaia 9:8

Aranmwẹ iran yevbe ifẹnmwẹ obi, ohoghe iran wa ta ẹghẹ hia. Dọmwadẹ ọghọe ghi gha ta ẹmwẹ ne ọ rhiẹnrhiẹn ma ogieva ẹre sokpan vbe ne ẹmwata, ọ gha khuẹn ifi khẹ ọre.

Ezikiẹl 28:2

“Ovbi ọmwa, tama ọba e Taia ẹmwẹ ne imẹ ne Nọyaẹnmwa ne Udazi tama rẹn wẹ; u gha ye uhiomwẹ tọn ifuẹn mu, u na gha kha wẹ ẹbọ ọ re uwẹ tobọ ruẹ khin. U khare wẹ te uwẹ tota ye ẹkete zẹ vbe ẹbọ vbene avbe okun na lẹga ruẹ. U sẹtin gha ye egbe ta avbe ẹbọ, sokpan ọmwa ne ọ sẹtin wu kẹkan ọ re u khin, u i vbe mwẹ akpa ẹbọ rhọkpa.

Ezikiẹl 28:9

U gha ghi mudia ye odaro avbe iran ni ra gbe uẹ ua nẹ, u ghi do gha re ọmwa ne ọ sẹtin wu, u i ghi re ẹbọ hiehiere.

Ezikiẹl 29:3

Tama rẹn wẹ ẹmwẹ ne Nọyaẹnmwa ne Udazi tama ọba Igipt ọ re ọna khin wẹẹ: Oghian rẹn ọ re I khin, wẹ ne Ugbogiorinmwi agbaka ne ọ rre uwu ẹzẹ. U khare wẹ ọwuẹ ọ re Naẹl khin ighe wẹ ọ re ọ yii ẹe.

Daniẹl 7:25

Ọ gha ye ukpẹ sakan Osanobua ne ọ Sẹehia, ọ ghi gha khulo emwa Osanobua khian. Ọ gha ho ne ọ fi uhi ugamwẹ kevbe emwiukpo ne iran ru werriẹ. Emwa Osanobua ghi vbe gha rre ototọ ẹtin ẹnrẹn vbe ukpo eha vbe ukhiọnmwẹ.

Daniẹl 7:8

Ehe ne I na ghe avbe igho ẹre nii, I keghi miẹn igho ọkpa tunnẹ, ọ kegha zọ ladian vbe adesẹneva iran nekpa, ọ keghi kpannọ eha kua vbe avbe igho ni ka gha rre evba. Igho na kegha mwẹ aro ọmwa nagbọn kevbe unu ne ọ wa yan dunmwu ẹgun.

Malakai 3:13

E Nọyaẹnmwa khare wẹẹ, “Ẹ i re avbiẹ ẹmwẹ dan wa he talọ vbe ekpa mwẹ. Sokpan, wa keghi vbe nọ wẹẹ, ‘De ẹmwẹ ne ima tae vbe ekpa ruẹ?’

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.

Ebe ne Jud gbẹẹn 1:16

Ẹzọ uwu unu ọre iran na gui vbe ẹhi, iran ghi gha ba emwa ọvbehe ifi ẹzọ, emwi dan ni rre iran ekhọe ọre iran ru, iran ghi gha ya unu kpa egbe iran, iran ghi gha ya unu lalọ emwa ọvbehe egbe, ne obọ iran miẹn ehe na vba emwi ne iran ho.

Arhie Maan 13:5

A keghi fan obọ ẹre ne aranmwẹ oha nii, ne ọ gha ya unu talọ ẹmwẹ dan hia, a keghi vbe rhie ẹghẹ nẹẹn ne ọ gha mwẹ asẹ la, uki eva yan iyeva.

I Samuẹl 2:3

Dobọ owogho oghagha ruẹ yi gie ẹmwẹ uhiomwẹ ruẹn gbẹdọ, rhunmwuda, e Nọyaẹnmwa, Osanobua ne ọ rẹn emwi ne ọ sunu nọ, ọ vbe bu ohiẹn emwi ne emwa ru hia.