Psalm 12:2 - Edo Bible (E Baibol Ẹdo) Version 1996

² Te iran hia wa ta ohoghe ma egbe. Iran ghi gha ye arhẹrhẹ mu egbe rẹrẹ.

Psalm 12:2 ပူးပေါင်းရင်းမြစ်များ

Psalm 10:7

Ihẹn ne a tie, ọ re ẹmwẹ ne ọ ta hia khin, kevbe ohoghe deba ne a na yan gie ọmwa. Obọ wa kẹ ọre vbe ẹmwẹ ikhuiwu dan ne a ta.

Psalm 116:11

Ya sẹ egbe ẹghẹ ne ohan na gha mu mwẹ, ne I na kha wẹẹ, “A i miẹn ọmwa ne ọ gia mu ẹtin yan.”

Psalm 144:11

Miẹn mwẹ fan vbe obọ eghian mwẹ ne ekhọe dan fan mwẹ hin obọ ẹtin avbe orhunmwuyẹn, emwa ni i zẹdẹ ta ẹmwata. Ni ye vbe ta ohoghe ye emwi ne iran vẹn ihẹn yi nẹ.

Psalm 144:8

emwa ni i zẹdẹ ta ẹmwata, ni yevbe ta ohoghe ye emwi ne iran vẹn ihẹn yi nẹ.

Psalm 28:3

Ghẹ bu abe gbe mwẹ ba avbe emwa dan, ba iran ni ru emwi dan. Avbe iran ne akọn giẹ iwu rriara.

Psalm 38:12

Iran ni ho ne iran gbe mwẹ uan, khuẹn ifi khẹ mwẹ; iran ni ho ne iran kuan mwẹ gha yan wẹ te iran ra miẹn mwẹ uhunmwu. Iran i dobọ uma ne a si ghe mwẹ yi.

Psalm 41:6

Iran ne ọ do gha tuẹ mwẹ i vbe re emwa ekhọe esi. Iran gha do ye ehọ viọ iyẹn dan nẹ vbe ekpa mwẹ, iran ghi ladian ya vẹvẹ ọe gba ehe hia.

Psalm 5:9

A i sẹtin mu ẹtin yan ẹmwẹ ne avbe eghian mwẹ ta. Ne a fuẹn emwi ruan ọre iran ho. Ẹmwẹ iran rhiẹnrhiẹn vbe ehọ, ọ vbe rriẹ. Sokpan, iran vuọn ne erẹrẹ ne ọ si uwu.

Psalm 55:21

Ẹmwẹ unu ẹnrẹn rriẹ sẹ owọn, sokpan ohu ọmwa mu ọmwa rre ọre uwu ekhọe, ẹmwẹ unu ẹnrẹn rọkhọ emwi sẹ ofigbọn, sokpan, te ọ giagia emwi vbe umozo ne ọ mu.

Psalm 59:12

Orukhọ rre aranmwẹ iran, orukhọ ọ re ẹmwẹ ne unu iran hia khin, te ifi itengbemu iran gha mu iran, rhunmwuda ne iran na tie ẹbọ, ne iran na vbe ta ohoghe.

Psalm 62:4

Te uwa ho ne uwa siẹe guọ, hin ehe uyi ẹre rre kẹkan; ohoghe ne a ta ghi wa gha yẹ uwa wa ghi gha na erhunmwu, vberriọ, wa ye otọ ẹko tie ihẹn ne ẹn.

Itan 20:19

Ọmwa ne ọ guẹ ewẹwẹwẹ ne a ta, ẹ i sẹtin rhie ẹmwẹ oro lẹre. Gha gban egbe ne emwa ni talọ gbe.

Itan 20:6

Dọmwadẹ ọghọe ọ re ọ kha ighe ọmwa ne ọ ye ekhọe ga ne ọ gia mu ẹtin yan ọ re irẹn khin. Akpawẹ a gha gele miẹn ọmwa okpa ne ọ ye vberriọ nian.

Itan 29:5

Adeghẹ u kpe ọsiọ ye ewọwọ, te u rhuẹ ifi ne egbe uẹ.

Jerimaia 7:28

U ghi tama iran wẹ, uhunmwu ẹvbo iran i họn ẹmwẹ mẹ, mẹ ne Nọyaẹnmwa ne Osanobua iran, ra ne oya ne a rri iran re vbe gha rhie ẹwaẹn ne iran. A ye ekhọe ga wu nẹ. A i ghi dọlegbe guan kan rẹn ọvbehe.

Jerimaia 9:8

Aranmwẹ iran yevbe ifẹnmwẹ obi, ohoghe iran wa ta ẹghẹ hia. Dọmwadẹ ọghọe ghi gha ta ẹmwẹ ne ọ rhiẹnrhiẹn ma ogieva ẹre sokpan vbe ne ẹmwata, ọ gha khuẹn ifi khẹ ọre.

Ezikiẹl 12:24

“A i ghi ra dọlegbe miẹn umian ohoghe ra ẹmwẹ akhasẹ ne ọ de ọmwa odẹ.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Ebe ne Pọl gbẹẹn gie emwa Rom 16:18

Rhunmwuda iran ni ru emwi vbe nian, ẹ i re Kristi Nọyaẹnmwa ọre iran ga, gberra evbare ne ọ khọn iran. Iran ghi ya ẹmwẹ ne ọ rhiẹnrhiẹn kevbe aranmwẹ erẹrẹ iran gha ye iran ni ma rẹn ọkpa ọ ma rẹn eva de odẹ.

I Tẹsalonaika 2:5

Rhunmwuda, wa tobọ uwa rẹnrẹn wẹ, ẹ i re ẹmwẹ ọrhiẹnrhiẹn vbe ukpẹ ọre ima do tama uwa, ra ne a ye ẹmwẹ ne unu zẹ asa gue orriarria ẹko mwa, Osanobua ọrọre osẹ ima.

Jems 1:8

Rhunmwuda, ọmwa ẹkẹ vbe iwẹnwẹn nọ, emwi ne ọ ru hia, ọkpa ne ọ mu ẹre ugbamugba ne ọ vbe mu aro yi, ẹ i rrọọ.