Psalm 119:91 - Edo Bible (E Baibol Ẹdo) Version 1996

⁹¹ Emwi hia rrọọ do sẹ ẹdẹnẹrẹ na, rhunmwuda iyi ruẹ, rhunmwuda eguọmwadia ruẹ ọ re ehia khin.

Psalm 119:91 ပူးပေါင်းရင်းမြစ်များ

Gẹnẹsis 8:22

Ya sẹ omwa vbe ne agbọn gha ya gha rrọọ, ẹghẹ ikọ emwi kevbe ẹghẹ emwiorhọ gha rrọọ. Ẹghẹ okhuakhua kevbe owowo gha rrọọ, ẹghẹ uyunmwu kevbe ẹghẹ orhọ, asọn kevbe avan. Ena i ra fo ẹdẹ.”

Aizaia 40:26

Tọn aro mu ghe odukhunmwu! Gha ọ yi avbe orhọnmwẹ ne u dẹghe yi? Ọmwa ne ọ viọ iran ladian vbe ivbiyokuo? Ọ rẹn inu ne iran khin te ọ he ọkpọkpa vbọ eni! Ẹtin ẹnrẹn kpọlọ sẹ vberriọ okpa vbe iran ne ọ gha wii edẹ i rrọ!

Aizaia 48:13

Obọ mwẹ ọ re ọ gbe ẹyotọ agbọn ọ na vbe tan iso gbadaa. I gha gie ne a tie otọe kevbe iso, iran ghi rre vbe ọwarọkpa do rhie egbe ma.

Jerimaia 33:25

Sokpan, mẹ ne Nọyaẹnmwa gu avan vbe asọn ta ile nẹ, mẹ ọ re ọ yii uhi ne ọ khaemwisẹ yan otọ vbe ukhunmwu.

Matiu 5:45

Ne uwa miẹn ehe na gha re ivbi erha uwa ne ọ rre ẹrinmwi. Rhunmwuda, ọ gie ovẹn ọnrẹn gha yunmwu ne emwa esi kevbe emwa dan, ọ ghi vbe gie amẹ gha rhọ ne iran ni ru emwi esi kevbe ni ru emwi dan.

Matiu 8:9

Mẹ mwẹ emwa ne I gie mwẹ uhunmwu, I vbe mwẹ ne imẹ gie ẹre uhunmwu, I gha wẹ ne ọna gha khian, ọ ghi gha khian, I ghi vbe wẹ ọna gha dee, ọ ghi gha dee, I ghi vbe tama ọviẹn mwẹ wẹẹ, ‘Ru emwi na, ọ ghi gele ruẹe.’ ”

Diuteronomi 4:19

Wa ghẹ gie a ya ẹe danmwẹ uwa ghe ne uwa gha ga emwi ne uwa bẹghe vbe iso, owẹn, uki, kevbe orhọnmwẹ. Nọyaẹnmwa Osanobua mwa viọ ena ne emwa ọvbehe hia gha gho nẹ.

Giọgis 5:20

Avbe orhọnmwẹ kegha gbinna ke odukhunmwu rre vbe ne iran ya vin la aro iso gberra. Iran gu e Siseria gbinna.