Psalm 119:9 - Edo Bible (E Baibol Ẹdo) Version 1996

⁹ Vbe igbama gha ya sẹtin ya uyimwẹ ọnrẹn khian nọgbae hẹ? Vbekpa ne ọ na ya uhi ruẹ ru emwi.

Psalm 119:9 ပူးပေါင်းရင်းမြစ်များ

II Krọnikol 6:16

Banbanna nian, e Nọyaẹnmwa ne Osanobua Izrẹl, vbe mu eyan nọkpa ne u yan ma erha mwẹ sẹ vbe ne u na tama rẹn wẹ te a gha miẹn wẹ ọkpa vbe uwu ivbi uniẹn ọnrẹn ọ re ọ gha khaemwisẹ yan Izrẹl vbe ẹghẹ hia a dẹghe iran vbe lele uhi ruẹ zẹ vbene irẹn ru.

Job 1:5

Vbe owiẹ ne ọ ghi lele avbe ẹdẹ vberriọ, e Job ghi rhiọkpaegbe vbe owiẹ fioo, ọ ghi ya zọ ese ya họnmwẹ ivbi ẹre hia egbe ua. Emwi ne ọ ya ẹe ru ọna ọrọre wẹ rẹn rorẹe wẹ, u gha ghe, ọ defi eso unu vbọ, ọ na fi unu giẹ Osanobua.

Job 13:26

“U wa ba mwẹ ifi ẹzọ ọhanabe, ya sẹ egbe emwi ne I ru vbe I he ye kherhe,

Psalm 119:11

Mẹ rhie uhi ruẹ ye ekhọe mwẹ, ne I ghẹ miẹn ehe na rukhọ ghe ruẹ.

Psalm 17:4

Zẹ vbene emwa eso ru I ru zẹ vbene u yi ẹre iyi I ma vbe khian vbe odẹ ọkhọ.

Psalm 25:7

Ya orukhọ kevbe abakuru ẹghẹ ọvbokhan mwẹ bọ mwẹ, vbe umamwẹ kevbe ahoẹmwọmwa ruẹn ne ẹi beghe, ye mwẹ rre Nọyaẹnmwa.

Psalm 34:11

Wa larre, avbe igbama ne ọse mwẹ, ne uwa danmwehọ mwẹ, I gha ma uwa ẹre ne uwa gha ya ọghọ ne Nọyaẹnmwa.

Itan 1:10

Ovbi mwẹ, avbe emwa orukhọ gha rẹrẹ uẹ, ghẹ kue yọ.

Itan 1:4

Iran gha sẹtin ye ọmwa ne ọ ma rẹn emwi rhọkpa khian ne ọ gu ẹwaẹn, ọ ghi vbe ma avbe igbama vbene a ye obọ mu hẹ.

Itan 2:11

Vbene u ghe umian emwi hẹ, kevbe vbene u rẹn otọe emwi hẹ, ghi tan obọ gue ruẹ.

Itan 4:1

Ivbi mwẹ, wa gha danmwehọ emwi ne erha uwa ma uwa ẹre. Gbe ehọ kotọ, u gha vbe gha mwẹ irẹnmwi.

Itan 7:7

I keghi bẹghe igbama ni ma he rẹn agbọn nibun, I keghi wa bẹghe ọzuọ okpa vbọ.

Asan-Ibo 11:9

Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Iyẹn ne ọ Maan Ọghe Luk 15:13

Vbe iyeke ikpẹdẹ eso, nekherhe ne ọ rrọọ keghi khiẹn emwi ne ọ se ọre obọ, ọ na mu igho ẹre, ọ na kpao vbe owa. Ọ na gha rrie ẹvbo ne ọ rrei ẹsẹse, ọ na ya ye uyinmwẹ ọpakharha lo ehia rhia.

Iyẹn ne ọ Maan Ọghe Jọn 15:3

Ẹmwẹ ne I do tama uwa ya uwa hia khian ni huanrẹn nẹ.

Diuteronomi 17:18

Ọ ghẹ ghi rriọba nẹ, ọ ghi gha mwẹ ọkpa vbe ebe uhi ni ọghe Osanobua, kevbe iruemwi ne a gbẹnnẹ ladian vbe ẹmwẹ arre ne ọ gu avbe ohẹn e Livai.

II Timoti 2:22

Gha bi egbe hin orriarria ibiẹka, u ghi gha gbinna ne emwi ẹmwata, iyayi, kevbe ahoẹmwọmwa kevbe ọfumwegbe vbe uwu a ku obọ gbe ba iran ni ye ekhọe ne ọ huanrẹn datie Nọyaẹnmwa, ne ọ yi iran obọ.

Jọsua 1:7

Sokpan, u ghi wegbe ne u vbe kakabọ din; ne u vbe miẹn wẹ, wẹ wa lele uhi ni hia ne Mosis ne ọguọmwadia mwẹ gbe ne uwa. Ghẹ sẹ ọkpa rae vbọ, ọ ghi gha dinna odẹ nuẹn vbe ehe ne u gha rhirhi yo.