Psalm 119:81 - Edo Bible (E Baibol Ẹdo) Version 1996

⁸¹ Egbe wa wọ mwẹ Nọyaẹnmwa, ne I ya diakhẹ ruẹ ne u do miẹn mwẹ fan, I mu ẹtin yan ẹmwẹ ruẹn.

Psalm 119:81 ပူးပေါင်းရင်းမြစ်များ

Job 19:27

egbe na ọ re I ra ye gha mu khian vbe I gha miẹn Osanobua aro. Te I ra ye aro mwẹ na miẹn ọẹn, ẹ i khian vbe gha re orhunmwuyẹn mẹ.” Udu mwẹ kpaẹn fi ẹko vbe uwa kha re wẹẹ,

Psalm 119:114

Wẹ ọrọre ne ọ gbinna mẹ, ke ne ọ degue mwẹ, uwu eyan ruẹn ọ re I na mwẹ idaehọ.

Psalm 119:20

Te udu mwẹ ghi fi ye ne I na rhie aro ye odẹ, I ho ne I rẹn ibuohiẹn ruẹn vbe ẹghẹ hia.

Psalm 119:40

I ho ne I gha mu iyi ruẹ sẹ rhie arrọọ ọgbọn mẹ, rhunmwuda, ọmwata ọ re uwẹ khin.

Psalm 119:41

Nọyaẹnmwa, rhie ma mwẹ vbene u ho ẹmwẹ mwẹ sẹ hẹ, ne u vbe miẹn mwẹ fan, zẹ vbe eyan ruẹn.

Psalm 119:42

Ẹghẹ nii, mẹ gha sẹtin zẹ ẹmwẹ wanniẹn iran ni rhovbiẹ mwẹ, rhunmwuda I mu ẹtin yan ẹmwẹ ruẹn.

Psalm 119:43

Gun mwẹ sẹtin gha ta ẹmwata vbe ẹghẹ hia, rhunmwuda, ibuohiẹn ruẹn ọ re idaehọ mwẹ ye.

Psalm 119:74

Ọyẹnmwẹ gha sẹ iran ni ya ọghọ ne uẹn, vbe iran a dẹghe mwẹ, rhunmwuda, mẹ mu ẹtin yan avbe eyan ruẹn.

Psalm 119:77

Tohan mwẹ, mẹ gha rre agbọn, rhunmwuda, uhi ruẹ sẹ mwẹ ọyẹnmwẹ.

Psalm 130:5

I wa rhie aro, ye odẹ diakhẹ iyobọ e Nọyaẹnmwa, ẹmwẹ ọnrẹn ọre imẹ vbe mu ẹtin yan.

Psalm 73:26

Egbe sẹtin wọ mwẹ ne ẹtin vbe fo mwẹ, sokpan, Osanobua ọrọre ẹtin mwẹ emwi okpa ne I gbinna ho ọrọre irẹn.

Psalm 84:2

Ghe vbene ọ khọn mwẹ hẹ ne I gha rre evba, Ọ khọn mwẹ ẹsẹse, ne I gha rre Ọgua Osa e Nọyaẹnmwa. Ekhọe mwẹ hia ọ re I ya so ihuan oghọghọ ghe Osanobua ne ọ rrọọ.

Ihuan Ne Ọ Sọọ Ihuan Hia 5:8

Wa yan ma mwẹ wa ni ikhuo e Jerusalẹm wẹ wa gha miẹn enida mwẹ, wa gha tama rẹn wẹ, a rhie aro ye odẹ ya mwẹ rrie.