Psalm 119:74 - Edo Bible (E Baibol Ẹdo) Version 1996

⁷⁴ Ọyẹnmwẹ gha sẹ iran ni ya ọghọ ne uẹn, vbe iran a dẹghe mwẹ, rhunmwuda, mẹ mu ẹtin yan avbe eyan ruẹn.

Psalm 119:74 ပူးပေါင်းရင်းမြစ်များ

Psalm 108:7

Osanobua guan ke uwu owa ẹre ne ọ huanrẹn rre wẹẹ, “Vbe uwu akhọnmiotọ, I gha ghae Siẹkẹm, I ghi vbe ghae Iya Sukọt ne emwa mwẹ.

Psalm 119:147

Vbe owẹn te yan rre, I da tie ruẹ nẹ wẹ ne u yọmwẹ obọ, eyan ruẹn ọ re imẹ na mwẹ idanmwehọ.

Psalm 119:42

Ẹghẹ nii, mẹ gha sẹtin zẹ ẹmwẹ wanniẹn iran ni rhovbiẹ mwẹ, rhunmwuda I mu ẹtin yan ẹmwẹ ruẹn.

Psalm 119:43

Gun mwẹ sẹtin gha ta ẹmwata vbe ẹghẹ hia, rhunmwuda, ibuohiẹn ruẹn ọ re idaehọ mwẹ ye.

Psalm 119:79

Gie iran ni ya ọghọ ne uẹn hu mwẹ gha dee, iran hia ni rẹn iyi ruẹ.

Psalm 66:16

Wa danmwehọ wa hia ni ya ọghọ ne Osanobua mẹ gha vbe ta emwi ne ọ ru mẹ ma uwa.

Malakai 3:16

Ẹkpo nii, ọre iran ni muohan e Nọyaẹnmwa na gu egbe guan, e Nọyaẹnmwa keghi danmwehọ, ọ họn ẹmwẹ ne iran tae. A keghi sirra irẹn gbẹnnẹ ebe iran ye otọ ighe iran ni muohan e Nọyaẹnmwa, ne iran vbe ya ọghọ ne ẹẹn.

Iyẹn ne ọ Maan Ọghe Luk 21:33

Ẹrinmwi kevbe agbọn gha gberra sokpan ẹmwẹ mwẹ i ra gberra.