Psalm 119:58 - Edo Bible (E Baibol Ẹdo) Version 1996

⁵⁸ Ekhọekekhọe mwẹ hia ọ re I ya rinmwian an, wẹ ne u tohan mwẹ, zẹ vbene u yan rẹn!

Psalm 119:58 ပူးပေါင်းရင်းမြစ်များ

I Ọba 13:6

E Jeroboam ne ọba keghi tama akhasẹ nii wẹẹ, “Lahọ na erhunmwu ghe e Nọyaẹnmwa Osanobua ruẹ mẹ ne u tama rẹn ne ọ dọlọ obọ mwẹ yi.” Akhasẹ keghi na erhunmwu ghe e Nọyaẹnmwa, a keghi dolọ obọ ọba yi.

Job 11:19

Afianma avbe eghian ruẹn i ghi ra fian an, emwa ni bun gha do nọ iyobọ vbe obọ ruẹ.

Psalm 119:10

Mẹ hia ne I ye ekhọe mwẹ hia gha ga a; ghẹ gun mwẹ de iyi ruẹ.

Psalm 119:145

Ekhọe mwẹ hia ọ re I ya kpe tie ruẹ, Nọyaẹnmwa, zẹ ẹmwẹ wanniẹn mwẹ, mẹ gha rhie iyi ruẹ mwẹ.

Psalm 119:170

Họn erhunmwu mwẹ, ne u miẹn mwẹ fan zẹ vbene u yan rẹn!

Psalm 119:41

Nọyaẹnmwa, rhie ma mwẹ vbene u ho ẹmwẹ mwẹ sẹ hẹ, ne u vbe miẹn mwẹ fan, zẹ vbe eyan ruẹn.

Psalm 119:65

Nọyaẹnmwa, wẹ ru nẹ zẹ vbene u yanrẹn, wẹ keghi vbe maa ne imẹ ne ọguọmwadia ruẹ.

Psalm 119:76

Gie ahoẹmwọmwa ruẹn ne ẹ i beghe fu mwẹ ẹko rre zẹ vbene u yan ma imẹ ne ọguọmwadia ruẹ.

Psalm 138:2

Mẹ werriẹ aro da Ọgua Osa ruẹ ne ọ huanrẹn, I vbokho egbe rriotọ, I kevbe rho eni ruẹn, rhunmwuda ahoẹmwọmwa ruẹn ne ẹ i beghe, kevbe ẹmwata ruẹ, rhunmwuda, we rhie maa nẹ wẹ, eni ruẹn kevbe iyi ruẹ, ne ẹ i mwẹ ihegbe nọ.

Psalm 27:8

Ẹkpo ne uwẹ na kha wẹẹ, “Wa larre do gha ga mwẹ.” Mẹ keghi wanniẹn wẹẹ, “Nọyaẹnmwa, I gha rre.”

Psalm 4:6

Emwa nibun ọ re ọ na erhunmwu wẹẹ, “Rhie afiangbe ba afiangbe ne ima Nọyaẹnmwa Ye aro itohan ghe mwa!”

Psalm 56:10

e Nọyaẹnmwa ni ne imẹ go wan eyan rẹn.

Psalm 56:4

Mẹ mu ẹtin yan Osanobua ohan ighi mu mwẹ. Mẹ rho ẹre, rhunmwuda eyan ne irẹn yan rẹn, demwi ne ọmwa kẹkan gha sẹtin ru mwẹ re.

Hozia 7:14

Iran ma he ya ekhọe ẹmwata na erhunmwu ghe mwẹ ẹdẹ, ne iran gha na te ru vberriọ, iran keghi dele gbotọ, iran keghi gha go zẹ vbene iran ni ga ẹbọ ru ẹe. Iran gha na erhunmwu ye ẹmwẹ ọka kevbe ayọn, iran ghi gha giagia egbe iran, zẹ vbene iran ni ga ẹbọ ru. Erriọ avbe miẹn emwa ni sọtẹ ra!

Matiu 24:35

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Hibru 10:22

Rhunmwuda ọnii, wa gie ima ye ẹkoata sikẹ Osanobua, ba iyayi ne aro dae, ke ẹe kevbe orhiọn ne a kpe huan hin ekhọe ne ọ rri abe rre nẹ, kevbe egbe ne a ye amẹ ne ọ hianrẹn khuẹ.