Psalm 119:53 - Edo Bible (E Baibol Ẹdo) Version 1996

⁵³ I gha bẹghe avbe emwa dan vbe iran rra uhi ruẹ ohu ghi gha mu mwẹ sọsọsọ.

Psalm 119:53 ပူးပေါင်းရင်းမြစ်များ

Ẹzra 10:6

Iyeke ọnii, ọ keghi kpao vbe odaro Ọgua Osa rre, gha rrie owa ne Jehohanan ne ovbi Eliasib dia, ọ na gbe asọn nii vbe evba, ọ na gha khiẹ ye orukhọ avbe ọyiwe nii, ọ ma re, ọ ma da.

Ẹzra 9:14

Vbe ima ghi ra vbe dọlegbe fi iyeke gbe uhi ruẹ hẹ ne a vbe ya gha viọ avbe emwa dan na rọnmwẹ. Ma gha ru vberriọ, u gha mu ohu ghe mwa sẹrriọ wẹ te u ra wa fuẹn ima an fẹẹrẹ, vbene ọkpa ighi na vbe ke ẹe.

Ẹzra 9:3

I ghi họn ẹmwẹ na, I keghi sọ ẹwu ye egbe mwẹ urhu, I na zanzan eto kevbe ẹtu mwẹ uan, I na de guo.

Nehimaia 13:25

I keghi gu avbe ikpia nii gui, I na rhovbiẹ iran an, I keghi gbele iran, I na silo iran eto vbọlọ kua. I na ya iran vẹn ihẹn vbe eni Osanobua wẹ, ọ re iran nọ ra ivbi iran nọ ne ọ gha dọlegbe rhie ikhuo ẹvbo ọvbehe vbe uwu iran ẹ i ghi rrọọ.

Nehimaia 5:6

I ghi họn ẹzọ ne iran gui, ohu keghi mu mwẹ.

Psalm 119:136

Ameve mwẹ lẹ kua zẹ vbe ẹzẹ, rhunmwuda ne emwa i na ya uhi ruẹ ru emwi.

Psalm 119:158

I gha bẹghe avbe ọgueva nii, ẹko ghi gha hu mwẹ, rhunmwuda, iran i ya iyi ruẹ ru emwi.

Psalm 89:30

“Sokpan, a deghẹ ivbi uniẹn ẹnrẹn ma ya uhi mwẹ ru emwi, ighe iran ma vbe yin zẹ vbe uhi ilele mwẹ,

Jerimaia 13:17

Adeghẹ uwa ma zẹ yọ, I gha ya viẹ vbe ẹkhokho rhunmwuda itengbemu uwa I gha viẹ eve orriara, ameve, mwẹ ghi gha rhọ kua, rhunmwuda, a munọ emwa oghunmwu viọ gha rrie.

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Habakọk 3:16

I họn emwi na hia I kegha guọ, aranmwẹ mwẹ kegha guọ ne ohan. I zegbe zẹ mwẹ ye otọ owẹ mwẹ kegha mian gbẹghẹgbẹghẹ. I gha hẹko ziengbe khẹ ẹghẹ ne Ọ dee, ne Osanobua gha na rri iran oya ighe iran ni gunmwa gbinna.

II Kọrinti 12:21

Afianma fian mwẹ I gha ghi dọlegbe rre, Osanobua mwẹ gha wa sirra uwa hia fa mwẹ uan, I ghi gha viẹ egbe ba ẹmwẹ emwa ni bun ni ru orukhọ vbe ẹghẹ ne ọ gberra, ne ọma he ye ro iro fi uyinmwẹ werriẹ, vbe uyinmwẹ osọnnọ ne iran yin, alama oghẹ kevbe orriarria.

Filipai 3:18

Ẹ i re avbiẹ inugba ọre I he ka ta ẹmwẹ na ma uwa yi, te I ghi vbe dọlegbe ta ẹe na, ke imẹ kevbe ameve vbe aro mwẹ, emwa ni bun rrọọ ne uyinmwẹ iran ya khian eghian uwu ne Kristi wu vbe uhunmwu ugbugbe.