Psalm 119:50 - Edo Bible (E Baibol Ẹdo) Version 1996

⁵⁰ Ọ fu mwẹ ẹko rre ya sẹ egbe ẹghẹ ne I na gha rre uwu ibaro rhunmwuda, eyan ruẹn rhie arrọọ mẹ.

Psalm 119:50 ပူးပေါင်းရင်းမြစ်များ

Psalm 119:25

I lovbiẹ ye uwu ebubẹ ne a gbe mwẹ fi, huẹn mwẹ zẹ vbene u yan rẹn.

Psalm 119:38

Mu eyan ruẹn sẹ ne imẹ ne ọguọmwadia ruẹ, eyan ne u yan ne iran ni họn ẹmwẹ ne uẹn.

Psalm 119:41

Nọyaẹnmwa, rhie ma mwẹ vbene u ho ẹmwẹ mwẹ sẹ hẹ, ne u vbe miẹn mwẹ fan, zẹ vbe eyan ruẹn.

Psalm 119:92

Akpawẹ ẹ i re ne uhi ruẹ na ya ọyẹnmwẹ sẹ mwẹ, I gha wu ye usẹ ne ọ sẹ mwẹ nẹ.

Psalm 138:7

Ibaro gha gba ogba ga mwẹ, wẹ ghi ye rhie mwẹ mwẹ vbe ai mwẹ ẹbe. U gu avbe eghian mwẹ ne ohu mu gbinna, u keghi ya ẹtin ruẹn miẹn mwẹ fan.

Psalm 27:13

Mẹ rẹnrẹn i ghẹ I gha tọ miẹn ọma ọghe Nọyaẹnmwa vbe arria na.

Psalm 28:7

E Nọyaẹnmwa degue mwẹ, ọ vbe gbinna mẹ I mu ẹtin yan rẹn. Ọ yọmwẹ obọ, ọ keghi ya ọyẹnmwẹ sẹ mwẹ, I gha so ihuan oghọghọ rho ẹre.

Psalm 42:11

Vbọzẹ yi, ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre, ọmiọnmwafan mwẹ kevbe Osanobua mwẹ.

Psalm 42:8

E Nọyaẹnmwa, ne ọ gie aho ẹmwẹ ọmwa rẹn ne ẹ i beghe rhie egbe maa vbe ẹghẹ avan. Ne i miẹn ehe ne miẹn ihuan so vbe asọn, erhunmwu ghe Osanobua ẹdagbọn mwẹ.

Psalm 94:19

Ẹghẹikẹghẹ ne udu mwẹ ya mu waa I na vbe gha hawa u ghi fu mwẹ ẹko rre u ghi ya mwẹ sẹ ọyẹnmwẹ.

Jerimaia 15:16

Wẹ gunmwẹ guan, I keghi rhie ehọ ye ẹmwẹ hia. Ọwuẹ ọ re imẹ khin Nọyaẹnmwa, Osanobua ne Oghodua, rhunmwuda ọnii ẹmwẹ ruẹn keghi ya oghọghọ kevbe ọyẹnmwẹ vuọn ekhọe mwẹ.

Ezikiẹl 37:10

Mẹ keghi rhunmwuda ọnii ta ẹmwẹ akhasẹ zẹ vbene a gie mwẹ. Uhiọnrọnmwẹ keghi la uwu ikun emwa nii, iran keghi rhiọrre, iran keghi guakpao. Iran wa bun sẹ ne a gha tie ẹre otu iyokuo.

Iyẹn ne ọ Maan Ọghe Jọn 6:63

Orhiọn ọre ọ rhie arrọọ ne ọmwa, ikinnegbe i mwẹ esa ne ọ ye. Ẹmwẹ ne I gu uwa guan, Orhiọn nọ, ẹfe nọ.

Ebe ne Pọl gbẹẹn gie emwa Rom 15:4

Rhunmwuda emwi hia ne a gbẹn ye nene Ebe, te a gbẹn ọẹn ne a ya ma ima emwi, ne ima sẹtin la ekpa izinebe kevbe ẹtin ne Ebe rhie ye ọmwa iwu, gha mwẹ idaehọ.

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

I Pita 1:3

Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

I Pita 2:2

Wa gha ye vbe emobọ nodẹ, ohanmwẹ ẹwẹn ẹmwẹ ẹmwata ọghe orhiọn ghi gha gbe uwa ẹghẹ hia, wẹ, wa ghẹ ghi gha wẹn ọẹn, wa ghi do wan, a ghi miẹn uwa fan.