Psalm 119:49 - Edo Bible (E Baibol Ẹdo) Version 1996

⁴⁹ Ye eyan ne u yan ne imẹ nẹ ọguọmwadia ruẹ rre, ọ rhie idaehọ mẹ nẹ.

Psalm 119:49 ပူးပေါင်းရင်းမြစ်များ

Gẹnẹsis 32:9

Ẹre Jekọb na na erhunmwu wẹẹ, “Osanobua Ebraham ne erhamwẹ odede kevbe ọghe Aizik ne erhamwẹ, u ghi danmwehọ mwẹ, wẹ ọ re ọ tama mwẹ Nọyaẹnmwa wẹẹ, ‘Ne I werriegbe gha rrie ẹvbo mwẹ ne I vbe bu avbe etẹn mwẹ, wẹẹ u gha ruẹe ne emwi hia gha ma mẹ.’

Gẹnẹsis 8:1

Sokpan, Osanobua keghi ye Noa rre, kẹe kevbe avbe aranmwẹ oha kevbe emwirri ni guẹe rre uwe okọ, ọ gie ẹhoho ne ọ hoho ye agbọn, amẹ nii keghi gha rriotọ.

II Samuẹl 5:2

Ẹghẹ ne ọ gberra, vbe Sọl he re ọba ima, wẹ ọ re ọ gha viọ ivbi Izrẹl yo okuo, e Nọyaẹnmwa keghi vbe tama ruẹn wẹẹ, ‘U gha su emwa mwẹ, u ghi vbe gha re ne ọ khaemwisẹ yan iran.’ ”

II Samuẹl 7:25

“Wanwanna nian, e Nọyaẹnmwa Osanobua, eyan ne u yan rẹn vbe ekpa mwẹ kevbe ẹgbẹe mwẹ, gie ẹe gha re ne u mu sẹ ke orre yasẹ orre, ne u vbe ru emwi ne u khare ighẹ u gha ru.

Job 7:7

“Osanobua, yerre wẹ, uhiọnrọnmwẹ ọkpa kẹkan ọ re ẹdagbọn mwẹ khin, oghọghọ ne I mwẹ fo nẹ.

Psalm 105:2

So ihuan urhomwẹ ghe Nọyaẹnmwa wa na iyẹn iwinna ọyunnuan ne ọ winna ẹn.

Psalm 105:42

Ọ ye ile ne ọ gu Ebraham ne ọguọmwadia ẹre ta rre.

Psalm 106:4

Nọyaẹnmwa, u gha ye emwa ruẹn obọ, u gha miẹn iran fan, u ghi rhie mwẹ ba ẹre Nọyaẹnmwa.

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Psalm 119:147

Vbe owẹn te yan rre, I da tie ruẹ nẹ wẹ ne u yọmwẹ obọ, eyan ruẹn ọ re imẹ na mwẹ idanmwehọ.

Psalm 119:43

Gun mwẹ sẹtin gha ta ẹmwata vbe ẹghẹ hia, rhunmwuda, ibuohiẹn ruẹn ọ re idaehọ mwẹ ye.

Psalm 119:74

Ọyẹnmwẹ gha sẹ iran ni ya ọghọ ne uẹn, vbe iran a dẹghe mwẹ, rhunmwuda, mẹ mu ẹtin yan avbe eyan ruẹn.

Psalm 119:81

Egbe wa wọ mwẹ Nọyaẹnmwa, ne I ya diakhẹ ruẹ ne u do miẹn mwẹ fan, I mu ẹtin yan ẹmwẹ ruẹn.

Psalm 71:14

Mẹ gha mwẹ idaehọ, vbe uwu uwẹ rhinrin ẹdẹ.

Aizaia 62:6

Jerusalẹm, I viọ avbe abodẹ ye ekẹn ọlẹga ruẹ nẹ ohan i gie iran hunmwan vbe avan ra asọn te iran ra gha ye Nọyaẹnmwa eyan ne ọ yanrẹn rre, iran i vbe gie irẹn mianmian.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.